শিৱসাগৰ জিলাৰ জয়সাগৰ আৰক্ষী চকীৰ অন্তৰ্গত শিৱসাগৰৰ বন সংমণ্ডলৰ প্ৰাধিকৰণ( বন্যপ্ৰাণী)ৰ অধীনস্থ ভটীয়াপাৰ অঞ্চলৰ গাওঁচুকৰ দিখৌ নদীৰ পানীৰ যুৱলিত আজি পুৱা এটা নাহৰফুটুকী মৃত অৱস্থাত উদ্ধাৰ হয়।
ঘটনাৰ বিৱৰণি মতে আজি পুৱা প্ৰায় ৯-৩০ বজাত স্থানীয় এজন ব্যক্তিয়ে দিখৌ নদীৰ কাষৰ বাৰীত খৰি বিচাৰিবলৈ গৈ নদীখনৰ পানীৰ যুৱলিত নাহৰফুটুকী বাঘটো মৃত অৱস্থাত পৰি থকা দেখা পায়। ব্যক্তিজনে লগে লগে গাওঁবাসীক বাঘটো মৃত অৱস্থাত পৰি থকা বিষয়টো অবগত কৰে।
ফলত স্থানীয় লোকে বন বিভাগক খবৰ দিয়াত বন বিভাগৰ লোক ঘটনাস্থলীত উপস্থিত হৈ মৃত বাঘটো উদ্ধাৰ কৰি আনে। বাঘটোৰ মৃত্যুৰ প্ৰকৃত কাৰণ এতিয়ালৈকে জানিব পৰা হোৱা নাই যদিও বন বিভাগৰ লোকে বজ্ৰপাতত অথবা প্ৰাপ্তবয়স্ক হোৱাৰ বাবে মৃত্যু হোৱা বুলি সন্দেহ প্ৰকাশ কৰিছে। নাহৰফুটুকীটোৰ মৰণোত্তৰ পৰীক্ষাৰ অন্তত সমাধিস্থ কৰা হয়।