কৰ্ণাটকৰ আগন্তুক মুখ্যমন্ত্ৰী সিদ্দাৰমাইয়াৰ সৈতে যোগাযোগ কৰিবলৈ হ’লে তেওঁৰ ব্যক্তিগত সহায়কৰ (পিএ) সৈতে যোগাযোগ কৰিব লাগিব। আনকি গণ্যমান্যসকলেও। কাৰণ তেওঁ মোবাইল ফোন ব্যৱহাৰ নকৰে!
গতিকে তেওঁৰ ওচৰলৈ যোৱাৰ একমাত্ৰ উপায় সেইটোৱেই। এই ৭৬ বছৰীয়া নেতাজনক দুখীয়া মানুহৰ ‘ত্ৰাণকৰ্তা’ বুলি জনা যায়। গতিকে যোৱা বছৰৰ আগষ্ট মাহত যেতিয়া তেওঁ ৭৫ সংখ্যক জন্মদিন পালন কৰিছিল, তেতিয়া ইয়াৰ নাম দিয়া হৈছিল ‘সিদ্দামহোৎসৱ!’।
লগতে পঢ়ক: আৰক্ষী উপ পৰিদৰ্শক জোনমণি ৰাভাৰ মৰণোত্তৰ পৰীক্ষাৰ প্ৰতিবেদনত চাঞ্চল্যকৰ তথ্য
তাত ৬ লাখ মানুহ সমবেত হৈছিল, য’ত তেওঁৰ ‘শক্তি’ পৰীক্ষা হৈছিল। আনকি ৰাহুল গান্ধীও ঘণ্টাৰ পিছত ঘণ্টা যান-জঁটত আবদ্ধ হৈ আছিল, কাৰণ তেওঁৰ ঘৰত মানুহৰ ইমানেই ভিৰ হৈছিল। সমালোচকসকলেও তেওঁক ‘সিডামুল্লাহ’ বুলি কয়। কিন্তু এইজন ‘অহিন্দা’ নেতা (কৰ্ণাটকৰ ৰাজনীতিত ব্যৱহৃত বিশেষ শব্দ) সেই কথাত অসন্তুষ্ট বা অসুখী নহয়। কাৰণ তেওঁ জানে, এই মানুহবোৰেই তেওঁৰ আটাইতকৈ ডাঙৰ ভৰসা।
সিদ্দাৰামাইয়া সদায় স্পষ্টবাদী ৰাজনীতিবিদ। আৰু তেওঁ সদায় জানে যে মানুহ তেওঁৰ পক্ষত আছে। গতিকে যেতিয়া তেওঁ দলৰ হাইকমাণ্ডক ‘মুখ্যমন্ত্ৰী’ হ’ব বুলি ঘোষণা কৰিছিল তেতিয়াও সিদ্দাই জানিছিল যে জয় তেওঁৰেই হ’ব। আৰু ঠিক এইটোৱেই হ’ল।
১৯৪৭ চনত মাইশূৰু জিলাৰ সিদ্দাৰমনাহুণ্ডী গাঁৱৰ এটা দৰিদ্ৰ কৃষক পৰিয়ালত জন্মগ্ৰহণ কৰিছিল সিদ্দাৰমাইয়াই। তেওঁলোক ইমানেই দুখীয়া আছিল যে তেওঁ ১০ বছৰ বয়সলৈকে স্কুললৈ যোৱা নাছিল। কিন্তু পিছলৈ তেওঁ পঢ়া-শুনা আৰম্ভ কৰি মহীশূৰ বিশ্ববিদ্যালয়ৰ পৰা বি এ আৰু আইনত উত্তীৰ্ণ হয়। প্ৰাথমিক জীৱনত তেওঁ আছিল এজন উকীল। ৰাজনীতিত ভৰি দিয়াৰ আগতে তেওঁ মাইশূৰু অঞ্চলৰ কৃষকৰ কণ্ঠস্বৰ হৈ পৰিছিল। ‘কৃষক অধিবক্তা’ নামেৰেও পৰিচিত হৈ পৰিছিল।
লগতে পঢ়ক: ভাৰতীয় মূলৰ ব্ৰিটেইনৰ শীৰ্ষ ধনী পৰিয়ালৰ মুৰব্বী এছ পি হিন্দুজাৰ দেহাৱসান
২০১৩ চনত কংগ্ৰেছে ২২৪খন বিধানসভাৰ আসনৰ ভিতৰত ১২২খন আসন লাভ কৰিছিল। ‘সিদ্দা’ প্ৰথমবাৰৰ বাবে ৰাজ্যৰ মুখ্যমন্ত্ৰী হয়। এইবাৰ তেওঁৰ সন্মুখত ইতিহাস ৰচনা কৰাৰ সুযোগ? যদি এইবাৰ ৫ বছৰীয়া কাৰ্যকাল সম্পূৰ্ণ কৰিব পাৰে, তেন্তে তেওঁ ইতিহাস ৰচনা কৰিব। কাৰণ কৰ্ণাটকৰ কোনো নেতাই এই পৰ্যন্ত শীৰ্ষ পদত দুটা কাৰ্যকাল সম্পূৰ্ণ কৰা নাই।
