চামগুৰিৰ ভুৰবন্ধাত ভয়ংকৰ অগ্নিকাণ্ডৰ ঘটনা।
পত্নীৰ সৈতে কাজিয়া কৰি গিৰিয়েকে জ্বলাই দিলে নিজৰে বাসগৃহ।
আজি দুপৰীয়াৰ ভাগত সংঘটিত হয় এই ঘটনা।
শিৱচৰণ মণ্ডল নামৰ লোকজনৰ পত্নীৰ সৈতে কিবা কথাত কাজিয়া লাগিছিল। সেই কাজিয়াৰ পৰিণতিতে নিজৰ ঘৰতে জুই লগাই দিয়ে মণ্ডলে।
নিজ গৃহত অগ্নি সংযোগ কৰি শিৱচৰণ মণ্ডলে ঘটনাস্থলীৰ পৰা পলায়ন কৰে।
ইপিনে জুয়ে ঘৰটো চানি ধৰাৰ লগে লগে অঞ্চলটোত হুৱা-দুৱা লাগে। স্থানীয় লোকে লগে লগে অগ্নিনিৰ্বাপক বাহিনীক খবৰ দিয়ে।
অগ্নিনিৰ্বাপক বাহিনী, ৰাইজৰ তৎপৰতাত অৱশেষত অগ্নি নিৰ্বাপন কৰা হয়।
অগ্নিকাণ্ডৰ ফলত লক্ষাধিক টকাৰ সা-সম্পত্তিৰ ক্ষতি সাধন হোৱা বুলি জানিব পৰা গৈছে।
ঘটনাস্থলীত আমবাগান আৰক্ষী উপস্থিত হৈ তদন্ত আৰম্ভ কৰিছে।
