ৰাজধানী দিল্লীৰ সংসদ চৌহদত সংঘটিত এক চাঞ্চল্যকৰ ঘটনাই আজি তীব্ৰ প্ৰতিক্ৰিয়াৰ সৃষ্টি কৰিছে। দিল্লীৰ এজন যুৱকে আজি হাতত চোকা অস্ত্ৰ লৈ দিল্লীৰ সংসদ ভৱনত প্ৰৱেশ কৰাৰ চেষ্টা চলায়।
অৱশ্যে হাতত চোকা অস্ত্ৰ লৈ প্ৰৱেশৰ চেষ্টা কৰোতেই সেই স্থানত নিয়োজিত নিৰাপত্তাৰক্ষীয়ে যুৱকজনক গ্ৰেপ্তাৰ কৰিবলৈ সক্ষম হয়।
Delhi: A person has been detained while he was trying to enter the Parliament allegedly with a knife. He has been taken to Parliament police station. pic.twitter.com/rKforH5i5R
— ANI (@ANI) September 2, 2019
নিৰাপত্তাৰক্ষীয়ে গ্ৰেপ্তাৰ কৰা যুৱকজনক সাগৰ ইনচা বুলি চিনাক্ত কৰা হৈছে। ধৃত যুৱকজন দিল্লীৰ লক্ষ্মীনগৰৰ বাসিন্দা।
এখন মটৰচাইকেলেৰ সংসদ ভৱনলৈ আহিছিল যুৱকজন। আৰু সংসদ ভৱনৰ চৌহদতে মটৰচাইকেল ৰখাই ভৱনৰ ১ নং গেটেৰে প্ৰৱেশৰ চেষ্টা কৰিছিল।
The person has been identified as Sagar Insa. He is a resident of Laxmi Nagar and a follower of Dera Sacha Sauda chief & rape convict Gurmeet Ram Rahim Singh. https://t.co/NimTiBh5Gv
— ANI (@ANI) September 2, 2019
যুৱকজনে ব্যৱহাৰ কৰা মটৰচাইকেলখনো আৰক্ষীয়ে জব্দ কৰিছে। বৰ্তমান দিল্লী আৰক্ষীয়ে যুৱকজনক জেৰা অব্যাহত ৰাখিছে বুলি জানিব পৰা গৈছে।
ধৃত সাগৰ ধৰ্ষণত অভিযুক্ত তথা দেৰা চাচা সাউদাৰ মুৰব্বী ৰাম ৰহিমৰ অনুৰাগী বুলি জানিব পৰা গৈছে। অৱশ্যে যুৱকজনে কি কাৰণত এনেদৰে হাতত চোকা অস্ত্ৰ লৈ সংসদ ভৱনত প্ৰৱেশৰ চেষ্টা কৰিছিল সেই কথা বৰ্তমানলৈকে জানিব পৰা হোৱা নাই।