ত্ৰিৰংগ
যদি গেৰুৱা ত্যাগৰ ৰং হয়,
তেন্তে কোৰোণাৰে চপোৱাৰ ইমান হেঁপাহ কিয়?
যদি বগা বিশুদ্ধতাৰ ৰং হয়,
তেনেহলে দুৰ্নীতিৰ ইমান পংকিলতা কিয়?
যদি সেউজীয়া প্ৰকৃতিৰ ৰং হয়,
তেন্তে পৰিবেশৰ এই বলাৎকাৰ কিয়?
ধৰ্মচক্ৰ,
তুমি স্তব্ধ হৈ ৰৈ থাকা-
যেন বিমূঢ়, চলনশক্তিহীন।
তুমি সঁচাকৈয়ে জানো অথৰ্ব? নে
কোনো এক কৃষ্ণৰ বাবে ৰৈ আছা
যি তোমাক তেওঁৰ আঙুলিৰে দাঙি ল’ব
আৰু সুদৰ্শন-চক্ৰৰ দৰে ঘূৰাব?
