কৃষক বিৰোধী বিধেয়কৰ বিৰুদ্ধে শিৱসাগৰত আছুৱে আজি প্ৰতিবাদী কাৰ্যসূচী ৰূপায়ণ কৰে।
সদৌ অসম ছাত্ৰ সন্থাৰ আহ্বানত শিৱসাগৰ আঞ্চলিক ছাত্ৰই নগৰৰ মুক্তি নাথ চাৰিআলিত এই প্ৰতিবাদী কাৰ্যসূচী ৰূপায়ণ কৰা হয়।
কৃষকৰ উৎপাদন, বাণিজ্য আৰু ব্যৱসায় ২০২০, কৃষকৰ মূল্য নিশ্চিতকৰণ আৰু কৃষি সেৱা বিধেয়ক ২০২০ আৰু অত্যাৱশ্যকীয় সেৱা সামগ্ৰীৰ সংশোধনী বিধেয়ক ২০২০ ৰ প্ৰতিলিপি দাহ কৰি তীব্ৰ প্ৰতিবাদী কাৰ্যসূচী ৰূপায়ণ কৰে।
আছুৰ কেন্দ্ৰীয় সাংগঠনিক সম্পাদক শৰৎ হাজৰিকাই নৰেন্দ্ৰ মোডী নেতৃত্বধীন বিজেপি চৰকাৰক তীব্ৰ সমালোচনা কৰি কয়, ‘বিজেপি চৰকাৰে কৃষকৰ ওপৰত তথা জনসাধাৰণৰ ওপৰত বলপূৰ্বক ভাৱে এই কৃষি আৰু অত্যাৱশ্যকীয় সামগ্ৰী সংশোধনী আইন জাপি দিব বিচাৰিছে।
চৰকাৰৰ এই কাৰ্যৰ তীব্ৰ বিৰোধিতা কৰাৰ লগতে ইয়াৰ প্ৰতিবাদ স্বৰূপে আজি এই বিধেয়ক তিনিখনৰ প্ৰতিলিপি দাহ কৰা হৈছে ।এই বিধেয়ক অতিশীঘ্ৰে বাতিল কৰিবলৈ চৰকাৰৰ ওচৰত দাবী জনায় শৰৎ হাজৰিকাই।
