কাৰাৰুদ্ধ কৃষক নেতা তথা ৰাইজৰ দলৰ সভাপতি অখিল গগৈক শীঘ্ৰে মুক্তি দিয়াৰ দাবী জনাইছে আছু নেতা ড০ সমুজ্জল কুমাৰ ভট্টাচাৰ্যই।
বৃহস্পতিবাৰে উচ্চতম ন্যায়ালয়ত অখিল গগৈৰ জামিন আবেদন নাকচ হোৱাৰ পাছত ছচিয়েল মিডিয়াত এইদৰে দাবী জনাইছে আছু নেতাগৰাকীয়ে।
ড০ ভট্টাচাৰ্যই টুইটাৰত এই সন্দৰ্ভত মন্তব্য কৰি কয় যে অখিল গগৈৰ জামিন আবেদন পুনৰ নাকচ হ’ল। ই ভাৰত চৰকাৰ আৰু অসম চৰকাৰৰ দমনমূলক নীতিৰ প্ৰতিফলন। দীৰ্ঘদিন ধৰি কাৰাৰুদ্ধ হৈ থকা অখিল গগৈক শীঘ্ৰে মুক্তি দিয়াৰ দাবী জনালোঁ।”
অখিল গগৈৰ জামিন আবেদন পুনৰবাৰ নাকচ হ'ল। ই @mygovindia আৰু @mygovassam ৰ দমনমূলক নীতিৰ প্ৰতিফলন।
দীৰ্ঘদিন ধৰি কাৰাৰুদ্ধ হৈ থকা অখিল গগৈক শীঘ্ৰে মুক্তি দিয়াৰ দাবী জনালোঁ।
— Dr. Samujjal Bhattacharjya (@SamujjalBhatta) February 11, 2021
স্বাভাৱকিতে আছু নেতাগৰাকীৰ এই দাবীয়ে অসমৰ আঞ্চলিক জাতীয়তাবাদী শক্তিসমূহক একত্ৰিত ৰূপত চাব বিচৰা জনসাধাৰণক উৎসাহিত কৰিব।
চৰকাৰে এটাৰ পাছত আন এটা গোচৰ জাপি দি অখিল গগৈক কাৰাৰুদ্ধ কৰি ৰখাৰ যি ষড়যন্ত্ৰ কৰাৰ অভিযোগ উঠিছে তাক সকলো জাতীয়তাবাদী-গণতান্ত্ৰিক শক্তিয়ে প্ৰতিবাদ কৰাটো আশাব্যঞ্জক বুলি মন্তব্য কৰিছে বিভিন্নজনে।
