নাগৰিকত্ব (সংশোধন) আইন বাতিলৰ দাবীত আৰু সদৌ অসম ছাত্ৰ সন্থাৰ নলবাৰীৰ কৰ্মকৰ্তা সকলৰ ওপৰত চৰকাৰৰ অত্যাচাৰৰ বিৰুদ্ধে আজি সদৌ নলবাৰী ছাত্ৰ সন্থাৰ উদ্যোগত দহ ঘণ্টীয়া গণ অনশন কাৰ্য্যসূচী ৰূপায়ন কৰা হয়।
নলবাৰী জিলা আৰু আঞ্চলিক ছাত্ৰ সন্থাৰ কাৰ্য্যালয়ৰ সমীপৰ নাট্য মন্দিৰ প্ৰাংগণত অনুষ্ঠিত হোৱা গণ অনশন কাৰ্য্যসূচীত নলবাৰী জিলাৰ বিভিন্ন দল সংগঠনৰ কৰ্মীসকলৰ উপৰিও বহু বিশিষ্ট ব্যক্তিয়ে অংশগ্ৰহণ কৰে।
ৰাতিপুৱা ৬ বজাৰ পৰা আবেলি ৪ বজালৈ অনুষ্ঠিত হোৱা অনশন কাৰ্য্যসূচীত আছু কৰ্মীসকলে ‘অসম চৰকাৰ হায় হায়’, ‘কা বাতিল কৰক’,‘অসম পুলিচ হুচিয়াৰ’ আদি প্লে-কাৰ্ড লৈ ছাত্ৰ সন্থাৰ কৰ্মীসকলৰ ওপৰত কৰা সহ্য কৰা নহ’ব বুলি উল্লেখ কৰি চৰকাৰে দমণমূলক নীতি পৰিহাৰ নকৰিলে আন্দোলন আৰু অধিক তীব্ৰতৰ কৰি তোলা হ’ব বুলি হুংকাৰ দিয়ে।
আনহাতে, ছাত্ৰ সন্থাৰ গণ অনশন কাৰ্য্যসূচীত অংশগ্ৰহণ কৰি নলবাৰীৰ বিশিষ্ট সাহিত্যিক ড০ বসন্ত কুমাৰ ভট্টাচাৰ্য্যই ভাষণ প্ৰদান কৰি অসমীয়া জাতিয়ে আন্দোলন নকৰাকৈ একো পোৱা নাই বুলি মন্তব্য কৰি নাগৰিকত্ব (সংশোধন) আইন বিৰধী আন্দোলনকাৰীৰ ওপৰত আৰক্ষীৰ বৰ্বৰ আক্ৰমণক গৰিহণা দিয়ে।
