শেহতীয়াকৈ মুখ্যমন্ত্ৰী হিমন্ত বিশ্ব শৰ্মাই মৰাণ জনগোষ্ঠীক স্থায়ী বাসিন্দাৰ প্ৰমাণ পত্ৰ (পি আৰ চি) প্ৰদানৰ সিদ্ধান্তক লৈ উদ্বেগ প্ৰকাশ কৰিছে সদৌ অৰুণাচল জনজাতি ছাত্ৰ সন্থাই(আটছু)। এই সিদ্ধান্তক মৰাণ জনসাধাৰণৰ বাবে এক ইতিবাচক পদক্ষেপ হিচাপে গণ্য কৰা হৈছে যদিও আটছুৱে সকীয়াই দিছে যে অসম চৰ্কাৰৰ এই সিধান্তই অৰুণাচল প্ৰদেশৰ সামাজিক-সাংস্কৃতিক তন্ত্ৰ আৰু ভূখণ্ডীয় অখণ্ডতাৰ প্ৰতি ভাবুকি কঢ়িয়াই আনিব আৰে বুলি উদ্দেগ প্ৰকাশ কৰিছে।
বিশেষকৈ অৰুণাচল প্ৰদেশ নিজৰ খিলঞ্জীয়া জনগোষ্ঠীৰ অধিকাৰ আৰু পৰিচয় ৰক্ষাৰ বাবে দায়বদ্ধ হৈ থকাৰ পাছতো অসম চৰকাৰৰ এই পদক্ষেপে অসম আৰু অৰুণাচলৰ মাজত চলি থকা বিবাদ আৰু অধিক ভয়াৱহ কৰি তুলিব পাৰে বুলি আশংকা প্ৰকাশ কৰিছে।
এই সিদ্ধান্তৰ ফলত ৰাজনৈতিক অস্থিৰতা আৰু অৰুণাচল প্ৰদেশৰ খিলঞ্জীয়া জনজাতিসকলৰ অধিকাৰ সুৰক্ষিত কৰাৰ বাবে অতি গুৰুত্বপূৰ্ণ ইনাৰ লাইন পাৰ্মিট (আই এল পি) ব্যৱস্থা দুৰ্বল হ’ব বুলিও মত প্ৰকাশ কৰে ছাত্ৰ সংগঠনটোৱে।
অৰুণাচলৰ ছাত্ৰ সংগঠনটোৱে অসমৰ এই সিদ্ধান্তৰ বিৰোধিতা কৰি কয় যে অসম আৰু অৰুণাচল প্ৰদেশ উভয় চৰকাৰক লেকাঙত বসবাস কৰা মৰাণ আৰু অন্যান্য অজনজাতীয় ব্যক্তিসকলক স্থানান্তৰিত কৰিবলৈ আহ্বান জনাইছে, আৰু অসমৰ ভিতৰতে তেওঁলোকক পুনৰ সংস্থাপনৰ বাবে আহ্বান জনাইছে। আটছুৰ মতে অসমে প্ৰদান কৰা পি আৰ চিৰ মৰ্যাদাৰে মৰাণ সম্প্ৰদায়ে আৰু অৰুণাচল প্ৰদেশত বৈধ বাসস্থান দাবী কৰিব নোৱাৰিব।
সংগঠনটোৱে BEFRৰ অধীনত শান্তি, খিলঞ্জীয়া জনগোষ্ঠীৰ অধিকাৰ আৰু সাংবিধানিক সুৰক্ষা ব্যাহত ৰাখিবৰ বাবে শীঘ্ৰে ব্যৱস্থা গ্ৰহণৰো আহ্বান জনাইছে।
