প্ৰাচীন ভাৰতৰ ইতিহাসত চাণক্যৰ নাম সোণালী আখৰেৰে লিখা ৰৈছে। তেওঁ আছিল এজন মহান পণ্ডিত, কূটনীতিবিদ, দাৰ্শনিক আৰু অৰ্থনীতিবিদ। ইতিহাসৰ মাজেৰে চালে দেখিব যে আজিলৈকে মানুহক সমানে প্ৰভাৱিত কৰি অহা বহুতো কিতাপ আছে। তাৰ ভিতৰত উল্লেখযোগ্য হৈছে চাণক্যৰ দ্বাৰা ৰচিত শ্ৰেষ্ঠ গ্ৰন্থ- ‘চাণক্য-নীতি’। কেৱল কিতাপৰ গৱেষণাই নহয়, চাণক্য নীতি আজিও মানুহৰ জীৱনতো সমানে ফলপ্ৰসূ।
চাণক্য নীতি পালন কৰি জীৱনত সফলতা লাভ কৰিব পাৰি। চাণক্যক মহান পণ্ডিতৰ ভিতৰত গণ্য কৰা হয়। এই কাৰণেই আজিও প্ৰাসংগিক আলোচনাত চাণক্যৰ নীতিৰ কথা আহি পৰে। চাণক্যই কৈছে জ্ঞান মানুহৰ শ্ৰেষ্ঠ সম্পদ। এজন জ্ঞানী মানুহক সকলোতে শলাগ লোৱা হয়। জ্ঞানৰ শক্তিৰে মানুহে এই পৃথিৱীৰ সকলোখিনি সাধন কৰিব পাৰে। গতিকে নিজকে জ্ঞানী কৰক। সৌন্দৰ্য্য আৰু যৌৱনতকৈ জ্ঞান অধিক শক্তিশালী। কিন্তু জ্ঞানৰ অহংকাৰত অন্ধ হোৱাটো কেতিয়াও উচিত নহয়।
চাণক্য এজন ভাৰতীয় শিক্ষক, দাৰ্শনিক, অৰ্থনীতিবিদ আৰু ৰাজ উপদেষ্টা আছিল। অৰ্থনৈতিক আৰু ৰাজনৈতিক দূৰদৰ্শিতাৰ বাবে চাণক্য আজি বিশ্ববিখ্যাত। পৃথিৱীৰ বিষয়ে তেওঁৰ জ্ঞান অপৰিসীম আছিল। তেওঁ আপোনাৰ জীৱনটো সুখী কৰিবলৈ কি কৰিব লাগে সেই বিষয়ে বিতংভাৱে বৰ্ণনা কৰিছে, চাওক সেইবোৰ-
১. চাণক্যৰ নীতি অনুসৰি যিকোনো ব্যক্তিৰ জীৱনত বেয়া সময় আহিব পাৰে। যিজনে সেই সময়ত ধৈৰ্য্য ধৰি সংযম দেখুৱাব পাৰে তেওঁ বেয়া সময়বোৰ জয় কৰিব পাৰে। ইয়াৰ উপৰি চাণক্যই মানৱ জীৱনৰ বিষয়ে আৰু বহু কথা কৈছিল। তেওঁৰ মতে, মানুহে কেতিয়াও সেইবোৰ পৰিত্যাগ কৰা উচিত নহয়। বিশেষকৈ বেয়া সময়ত সেইবোৰ মনত ৰাখিব লাগে। বিপদ আৰু সংকটৰ সময়ত এইবোৰে মানুহক পথ প্ৰদৰ্শন কৰে। এইবোৰৰ সহায়তে মানুহে জীৱনত আগবাঢ়ি যাব পাৰে আৰু কঠোৰ পৰিশ্ৰমৰ জৰিয়তে বেয়া সময় অতিক্ৰম কৰি পুনৰ সফলতা লাভ কৰিব পাৰে।
২. চাণক্যৰ মতে বেয়া সময়ত কেতিয়াও ধৈৰ্য্য হেৰুৱাব নালাগে। মানুহৰ জীৱনত বেয়া সময় আহে। ইয়াৰ দ্বাৰা হতাশ নহ’ব। দিনৰ পিছত ৰাতি যেনেকৈ আহে, ভাল সময়ৰ পিছত বেয়া সময় আহে। ৰাতিৰ অন্ধকাৰৰ পিছত আকৌ দিনৰ পোহৰ জিলিকি উঠে। বেয়া সময়বোৰো পাৰ হৈ যায়। এনেকৈয়ে মানুহৰ জীৱনত সুখ-দুখ আহে আৰু যায়। মানুহৰ জীৱনত যিদৰে সুখ স্থায়ী নহয়, দুখো স্থায়ী নহয়। এই কাৰণেই মানুহে বেয়া সময়ৰ বাবে সাজু হোৱা উচিত। বেয়া সময়বোৰ ধৈৰ্য্যৰে জয় কৰিব লাগে। ধৈৰ্য্য হেৰুৱাৰ বাবে জীৱনটো কঠিন হৈ পৰে।
৩. চাণক্যই সংযমৰ ওপৰতো যথেষ্ট গুৰুত্ব আৰোপ কৰিছিল। তেওঁৰ মতে বেয়া সময়ত সকলোৱে অতি সুস্থিৰ হৈ পৰম সংযমেৰে কাম কৰিব লাগে। বেয়া সময়ত বেয়া সিদ্ধান্তই সংকট বৃদ্ধি কৰিব পাৰে। গতিকে সাৱধানে পদক্ষেপ ল’ব লাগে। ভাল সময় অহালৈ ৰৈ থাকিব লাগে।
৪. চাণক্যই লগতে কয় যে খং সদায় নিয়ন্ত্ৰণ কৰিব লাগে। বিশেষকৈ বেয়া সময়ত খং নিয়ন্ত্ৰণ কৰিব লাগে। বেয়া সময়ত মানসিক চাপৰ বাবে খং স্বাভাৱিক। কিন্তু খঙৰ পৰা হাত সাৰিবলৈ সাৱধান হ’ব লাগে। বেয়া সময়ত খঙে জুইত ঘি ঢলাৰ দৰে কাম কৰে। ইয়াৰ ফলত নতুন সমস্যাৰ সৃষ্টি হয়। গতিকে ইয়াৰ প্ৰতি সাৱধান থাকিব লাগিব।
