আমি সকলোৱে ইতিহাসত চাণক্য বা কৌটিল্যৰ বিষয়ে পঢ়িছো। এইজন পণ্ডিতে যেনেকৈ অৰ্থশাস্ত্ৰত নিজৰ তীক্ষ্ণ বুদ্ধিমত্তা প্ৰদৰ্শন কৰিছিল, ঠিক তেনেদৰে তেওঁ ৰাজ্য প্ৰশাসন আৰু মানৱ জীৱনৰ উন্নতিৰ ক্ষেত্ৰতো বহুতো গুৰুত্বপূৰ্ণ পৰামৰ্শ আৰু উপদেশ আগবঢ়াইছিল। হাজাৰ বছৰৰ পাছতো সেয়ে আজিও চাণক্য নীতি সমানেই জনপ্ৰিয়। কেনেধৰণৰ নাৰীয়ে স্বামীৰ বাবে সৌভাগ্য কঢ়িয়াই আনে তাকলৈ চাণক্যই কি কৈছে?
আচাৰ্য চাণক্যই লিখা নীতিশাস্ত্ৰত জীৱনৰ লগত জড়িত কিছুমান গুৰুত্বপূৰ্ণ বিষয়ৰ কথা উল্লেখ কৰা হৈছে। ব্যক্তিগত জীৱনৰ পৰা আৰম্ভ কৰি কৰ্ম, ব্যৱসায়, সম্পৰ্ক – চাণক্যই সকলো বিষয়তে পৰামৰ্শ দিছে। চাণক্য-নীতিয়ে মানুহক জীৱনত সফলতা লাভৰ পথ দেখুৱায়। চাণক্যৰ কথাবোৰ বহুতৰে বাবে কঠোৰ যেন লাগিব পাৰে, কিন্তু আচলতে তেওঁ ভাল আৰু বেয়াৰ মাজত পাৰ্থক্য অতি স্পষ্ট কৰিছে।
কেনেধৰণৰ নাৰীয়ে স্বামীৰ জীৱনলৈ সৌভাগ্য কঢ়িয়াই আনে সেই সম্পৰ্কে আচাৰ্য চাণক্যই কি কৈছে চাওঁ আহক।
ধৈৰ্য্যতকৈ ডাঙৰ গুণ নাই
চাণক্য নীতি অনুসৰি ধৈৰ্য্য নাৰীৰ চৰিত্ৰৰ এক গুণ। যিগৰাকী নাৰী ধৈৰ্য্যশীল, তেওঁৰ স্বামী আৰু পৰিয়াল সৌভাগ্যৱান। যদি কেতিয়াবা মহিলাগৰাকীৰ পৰিয়াল বা স্বামীয়ে কোনো সমস্যাৰ সন্মুখীন হয় তেন্তে তেওঁ কেতিয়াও তেওঁলোকক এৰি নাযায়। তেওঁ ধৈৰ্য্যৰে সেই সংকটৰ পৰা ওলাই অহাৰ পথ বিচাৰি উলিয়াব। এনে নাৰীক যি বিয়া কৰাই তেওঁ নিঃসন্দেহে ভাগ্যৱান।
ধাৰ্মিক মহিলা
চাণক্যৰ মতে ধাৰ্মিক মহিলাই সদায় পৰিয়াললৈ সৌভাগ্য কঢ়িয়াই আনে। এগৰাকী ধৰ্মপৰায়ণ নাৰীয়ে কেতিয়াও নিজে অধৰ্ম নকৰে আৰু কেতিয়াও নিজৰ পৰিয়ালক অধৰ্মৰ পথ অনুসৰণ কৰিবলৈ নিদিয়ে। তেওঁ সদায় সঠিক কাম কৰে। এনে এগৰাকী নাৰীক বিয়া কৰাৰ ফলত স্বামীৰ জীৱনলৈ সুখ আৰু সৌভাগ্য আহে।
শান্ত স্বভাৱৰ মহিলা
শান্ত স্বভাৱৰ নাৰীয়ে স্বামীৰ জীৱনত সৌভাগ্য কঢ়িয়াই আনে। সহজ মূৰ গৰম কৰি তোলা বা চিঞৰ-বাখৰ কৰাটোৱে কেতিয়াও কোনো শুভ প্ৰভাৱ আনিব নোৱাৰে। গতিকে শান্ত স্বভাৱৰ মহিলাক বিয়া কৰালে জীৱন সলনি হৈ পৰিব পাৰে।
মিষ্টভাষী মহিলা
কথাৰ মাজত তিক্ততা বা উগ্ৰতা থাকিলে তেওঁক কোনেও ভাল পাব নোৱাৰে। তেওঁ পুৰুষেই হওক বা মহিলা। যিজনে মধুৰ কথা কয় তেওঁৰ কথাৰেই আধাখিনি জয় কৰাৰ ক্ষমতা আছে। গতিকে যিজন ব্যক্তিৰ জীৱন সংগী হিচাপে এগৰাকী মিষ্টভাষী নাৰী থাকে তেওঁ নিঃসন্দেহে ভাগ্যৱান।
