এক মৰ্মান্তিক খৱৰ। হঠাতে হৃদৰোগত আক্ৰান্ত হৈ মৃত্যু ঘটিল অভিনেতা সিদ্ধাৰ্থ শুক্লাৰ। মুম্বাইৰ কুপাৰ হাস্পাতলৰ সূত্ৰই এই খৱৰ জানিবলৈ দিছে।
মৃত্যুৰ সময়ত এইগৰাকী জনপ্ৰিয় অভিনেতাৰ বয়স আছিল মাত্ৰ ৪০ বছৰ।
বিগ বছ-১৩ৰ বিজয়ী আছিল সিদ্ধাৰ্থ শুক্লা। তদুপৰি, টেলিভিশ্বনৰ হিন্দী ধাৰাবাহিকৰ অতি জনপ্ৰিয় অভিনেতা আছিল সিদ্ধাৰ্থ।
বৃহস্পতিবাৰে মুম্বাই কুপাৰ হাস্পাতালত শেষ নিশ্বাস ত্যাগ কৰে অভিনেতাগৰাকীয়ে।
জানিব পৰা মতে, বুধবাৰে নিশা আন দিনাৰ দৰেই ঔষধ খাই শুবলৈ গৈছিল সিদ্ধাৰ্থ শুক্লা। কিন্তু শুই থকা অৱস্থাতে অভিনেতাগাৰাকী হৃদৰোগত আক্ৰান্ত হোৱাৰ অনুমান কৰিছে চিকিৎসকসকলে।
জনপ্ৰিয় অভিনেতাগৰাকীৰ এনে আকস্মিক মৃত্যুত শোকস্তব্ধ হৈ পৰিছে তেওঁৰ গুণমুগ্ধসকল।