বাংলাদেশৰ চত্তগ্ৰাম ক্ৰিকেট ষ্টেডিয়ামত আফগানিস্তান আৰু বাংলাদেশৰ মাজত চলি থকা শৃংখলাৰ একমাত্ৰ টেষ্টত আফগানিস্তানে বাংলাদেশক ২২৪ ৰাণৰ বিশাল ব্যৱধানত পৰাস্ত কৰি ইতিহাস গঢ়িবলৈ সক্ষম হৈছে।
আফগানিস্তানৰ অধিনায়ক তথা তাৰকা বলাৰ ৰছিদ খানৰ স্পীন বলিঙৰ সন্মুখত কোনোপধ্যেই মুৰ দাঙি উঠিবলৈ সক্ষম নহ’ল ছাকিবুল হাছান নেতৃত্বাধীন বাংলাদেশ ক্ৰিকেট দলটো।
খেলখনত আফগানিস্তানে প্ৰথমে বেট ধৰি প্ৰথম ইনিংছত ৰাহমত শ্বাহৰ বিস্ফোৰক শতৰাণ আৰু আজঘাৰ আফগানৰ ৯২ ৰাণৰ সহায়ত ৩৪২ ৰাণ সংগ্ৰহ কৰিবলৈ সক্ষম হয়।
আনহাতে, বাংলাদেশে প্ৰথম ইনিংছত বেট ধৰিবলৈ আহি ৰছিদ খানৰ বলিঙৰ সন্মুখত তিষ্টিব নোৱাৰি মাত্ৰ ২০৫ ৰাণতে নিজৰ প্ৰথম ইনিংছ সামৰিবলৈ বাধ্য হয়।
আফগানিস্তানে দ্বিতীয় ইংনিছতো ২৬০ ৰাণ সংগ্ৰহ কৰি বৃহৎ অগ্ৰগতি লাভ কৰিবলৈ সক্ষম হয়।
আফগানিস্তানে জয়ৰ বাবে নিৰ্দ্ধাৰণ কৰি দিয়া বিশাল লক্ষ্য আগত ৰাখি দ্বিতীয় ইনিংছ আৰম্ভ কৰা বাংলাদেশে পুনৰ ৰছিদ খানৰ তীক্ষ্ন স্পীন বলিঙৰ আগত আত্মসমৰ্পন কৰিবলৈ বাধ্য হয় আৰু মাত্ৰ ১৭৩ ৰাণতে ইনিংছ সামৰি ২২৪ ৰাণৰ বিশাল ব্যৱধানত পৰাজয় স্বীকাৰ কৰে।
ৰছিদ খানে প্ৰথম ইনিংছত ৫ টা আৰু দ্বিতীয় ইনিংছত ৬ উইকেট দখলেৰে মুঠ ১১ উইকেট দখল কৰে।
