প্ৰধান মন্ত্ৰী নৰেন্দ্ৰ মোদীয়ে মহেন্দ্ৰ সিং ধোনীৰ দৰে প্ৰাক্তন বাঁওহতীয়া বেটছমেন সুৰেশ ৰাইনালৈও এখন দীঘলীয়া পত্ৰ প্ৰেৰণ কৰিছে।
প্ৰধান মন্ত্ৰীৰ পত্ৰৰ উত্তৰত ৰাইনাই ছ’চিয়েল মিডিয়াযোগে কয় যে যেতিয়া আমি খেলো, আমি দেশৰ বাবে সকলো উজাৰি দিও। ভাল লাগে যেতিয়া সকলো লোকৰ আৰু বিশেষকৈ প্ৰধান মন্ত্ৰীৰ পৰা স্নেহভৰা বাৰ্তা পাও।
টুইটাৰযোগে মনৰ ভাব প্ৰকাশ কৰি ক্ৰিকেটাৰ গৰাকীয়ে লগতে কয়, ‘নৰেন্দ্ৰ মোদীজি আপোনাৰ প্ৰশংসাভৰা শব্দ আৰু শুভকামনাৰ বাবে ধন্যবাদ। মই কৃতজ্ঞতাৰে এই পত্ৰ গ্ৰহণ কৰিছো’।
প্ৰধান মন্ত্ৰী মোদীয়ে ৰাইনালৈ লিখা পত্ৰখনত উল্লেখ কৰে, ’১৫ আগষ্টত যি সিদ্ধান্ত ল’লে সেয়া নিশ্চয়কৈ আপোনাৰ জীৱনৰ আটাইতকৈ কঠিন সিদ্ধান্ত। মই আপোনাৰ ক্ষেত্ৰত অৱসৰ শব্দটো ব্যৱহাৰ নকৰো কিয়নো আপুনি এতিয়াও যুৱ হৈ আছে’।
তেওঁ লগতে লিখে, ‘আপোনাক এগৰাকী ভাল বেটছমেন হিচাপে সকলোৱে মনত ৰাখিব, লগতে এজন উপযোগী বলাৰ ৰূপেও মনত ৰাখিব’।
When we play, we give our blood & sweat for the nation. No better appreciation than being loved by the people of this country and even more by the country’s PM. Thank you @narendramodi ji for your words of appreciation & best wishes. I accept them with gratitude. Jai Hind!?? pic.twitter.com/l0DIeQSFh5
— Suresh Raina?? (@ImRaina) August 21, 2020
উল্লেখ্য যে ২০১৮ চনৰ ১৭ জুলাইৰ পৰা ভাৰতীয় দলৰ পৰা বাহিৰ হৈ থকা সুৰেশ ৰাইনাই দেশৰ ৭৪ সংখ্যক স্বাধীনতা দিৱসৰ দিনা আন্তঃৰাষ্ট্ৰীয় ক্ৰিকেটৰ পৰা অৱসৰৰ ঘোষণা কৰিছিল।
