বহুচৰ্চিত গুণোৎসৱ নহয়, অহা ছেপ্তেম্বৰৰ পৰা অসমৰ চৰকাৰী প্ৰাথমিক বিদ্যালয়ত চলিব সগুণোৎসৱ।
কেন্দ্ৰীয় চৰকাৰৰ মানৱ সম্পদ উন্নয়ন মন্ত্ৰ্যালয়ৰ নিৰ্দেশত এই বিশেষ অনুষ্ঠান আয়োজন কৰা হৈছে।
সগুণোৎসৱ আয়োজনৰ বাবে ইতিমধ্যে পদক্ষেপ গ্ৰহণ কৰিছে অসমৰ শিক্ষা বিভাগে।
বাতৰি মতে, অসম সৰ্বশিক্ষা অভিযান মিছনৰ সঞ্চালক চমচেৰ সিঙে এই সন্দৰ্ভত নিৰ্দেশ জাৰি কৰিছে।
সকলো জিলা প্ৰাথমিক শিক্ষা বিষয়া আৰু মিছন সঞ্চালকসকলক এই নিৰ্দেশ দিয়া হৈছে।
পূৰ্বৰ গুণোৎসৱৰ দৰেই এই সগুণোৎসৱো বিদ্যালয়সমূহৰ গুণাগুণ নিৰ্ধাৰণৰ বাবেই আয়োজন কৰা হৈছে।
এই কামত বিভিন্ন বিষয়া নিয়োগ কৰা হ’ব।
বিষয়াসকলে বিদ্যালয়সমূহৰ তথ্য সংগ্ৰহ কৰি সেয়া এটা ম’বাইল এপত আপল’দ কৰিব লাগিব।