কৃষি বিভাগৰ পূৰ্বৰ দুৰ্নীতি আঁতৰাই এক নতুন সংস্কাৰ ঘটাইছে কৃষি মন্ত্ৰী অতুল বৰাই ।
আজি গোলাঘাটত এই কথা ঘোষণা কৰি কৃষি মন্ত্ৰী জনে কয় যে অসমৰ মানুহে কেৱল ধানৰ খেতি কৰিবহে জানে পশুপালনৰ ক্ষেত্ৰত অসমৰ ৰাইজৰ বিশেষ আগ্ৰহ নাই যাৰ বাবে কৃষি বিভাগে কৰিব পৰা নাই উন্নতি ।
ৰাজ্যত কৰ্ম সংস্কৃতিৰ গঢ় দিয়া ক্ষেত্ৰত বিশেষ ভূমিকা নলয় অসমীয়াই যাৰ বাবে ৰাজ্যৰ কৃষি খণ্ডক উন্নয়নৰ গতি এতিয়াও তৰান্বিত হোৱা নাই ।
নাজিৰাত প্ৰস্তাৱিত গাহৰি ফাৰ্মৰ জৰিয়তে ৰাজ্যবাসীক পশুপালনৰ লগতে কৃষিৰ প্ৰতিও আগ্ৰহী কৰি তুলিব কৃষি বিভাগে ।
লগতে ৰাজ্যৰ আগন্তুক হবলগীয়া উপ -নিৰ্বাচনত বিজেপিক অগপ ই বিশেষ বাবে সহযোগিতা আগবঢ়াব বুলিও উল্লেখ কৰে।
গোলাঘাটত অসম যুৱ পৰিষদ ,গোলাঘাট জিলা পৰিষদৰ প্ৰতিনিধি সভাত অংশ লৈ এনেদৰে মন্তব্য আগবঢ়ালে অগপ সভাপতি তথা কৃষি মন্ত্ৰী অতুল বৰাই ।
এই প্ৰতিনিধি সভাতে অগপ সভাপতি অতুল বৰা সন্মুখত প্ৰাক্তন আছু,অসম জাতীয়তাবাদী যুৱ ছাত্র পৰিষদ, টাই আহোম ছাত্র সন্থা ,চাহ জনজাতি ছাত্র সন্থা আৰু এন.এছ.ইউ. আইৰ প্ৰায় ২ শতাধিক ছাত্ৰ-ছাত্ৰীয়ে অসম যুৱ পৰিষদ আৰু অসম ছাত্র পৰিষদত যোগদান কৰে ।
অগপ সভাপতি অতুল বৰাই ছাত্ৰ কৰ্মী সকলক আদৰণি জনাই অগপ দলটো অধিক শক্তিশালী কৰিবলৈ আহ্বান জনায় ।