অসম চৰকাৰে লোৱা খিলঞ্জীয়া বিৰোধী স্থিতিৰ বাবে আহোম সেনাৰ উদ্যোগত শিৱসাগৰত প্ৰতিবাদী কাৰ্যসূচী ৰূপায়ণ কৰা হয়।
শাসনাধীন চৰকাৰখনে অসমৰ ৰাইজক গণতান্ত্ৰিক মূল্য দিয়াত ব্যৰ্থ হৈছে বুলি অভিযোগ কৰি আহোম সেনাই খিলঞ্জীয়া চৰকাৰ বুলি ভৱা চৰকাৰে এতিয়া ভূমি নীতি/উদ্যোগী নীতি ওপৰত খিলঞ্জীয়া বিৰোধী স্থিতি লৈছে কৈ প্ৰতিবাদ সাব্যস্ত কৰে।
“বহুত হ’ল জিন্দাবাদ; বহুত হ’ল মুৰ্দাবাদ ” শ্ল’গান দি এইবাৰ “প্ৰশ্নৰে প্ৰতিবাদ” লিখা পুষ্টাৰ লৈ আহোম সেনাৰ কৰ্মকৰ্তাসকলে কালি শিৱসাগৰ বৰ পুখুৰীৰ পাৰত প্ৰতিবাদী কাৰ্যসূচী ৰূপায়ণ কৰে।
আহোম সেনাৰ হৈ অঙ্কুৰন ফুকনে কয় যে যেতিয়া জিন্দাবাদ, মুৰ্দাবাদ শ্ল’গান দি প্ৰতিবাদ সাব্যস্ত কৰিছিল সেয়া লৈ মিত্ৰজুঁটৰ শাসনাধীন চৰকাৰখনে কোনো গুৰুত্ব প্ৰদান নকৰিলে। সেয়ে এতিয়া প্ৰশ্নৰে প্ৰতিবাদ কৰিছে।
ছয় জনজাতিৰকৰণ দাবী, অতি শীঘ্ৰে কৃষক নেতা অখিল গগৈৰ মুক্তিৰ দাবীৰ লগতে কাৰাবন্দী সকলৰ মুক্তিৰ দাবী উত্থাপন কৰে।
আনহাতে লক ডাউনৰ সুবিধা লৈ চৰকাৰে সমগ্ৰ ভাৰতৰ উদ্যোগ, ৰে’ল সেৱা, তৈলক্ষেত্ৰ, কয়লা খনি বিক্ৰী কৰি ব্যক্তিগতকৰণ কৰাৰ বিৰুদ্ধেও সোচ্চাৰ হৈছে আঅহোম সেনা।
অসম চৰকাৰৰ নতুন উদ্যোগ নীতি তথা অধ্যাদেশেৰে অসমীয়া খিলঞ্জীয়াৰ ভূমি অধিকাৰ খৰ্ব কৰাৰ চেষ্টা কৰা বিজেপি অগপৰ মিত্ৰজুঁটৰ চৰকাৰক এই সিদ্ধান্ত বাতিলৰ দাবী জনায় সংগঠনটোৰ সদস্যসকলে।
এই গণতান্ত্ৰিক প্ৰতিবাদৰ মূল্য যদি বুজি নাপায় তেন্তে আহোম সেনাই লাচিত বৰফুকনৰ দৰে হেংদাং লোৱাৰ হুংকা দিয়ে।
