সম্প্ৰতি এ আই প্ৰসাৰ লাভ কৰাৰ লগে লগে সকলো ক্ষেত্ৰতে প্ৰভাৱিত কৰিছে তেনে পৰিস্থিতিত অসমৰ পৰ্যটন উদ্যোগৰ সম্ভাৱনীয়তাৰ প্ৰতি লক্ষ্য ৰাখি অসমৰ যুৱ শক্তিৰ বাবে কৃত্ৰিম বুদ্ধিমত্তাৰ প্ৰশিক্ষণ কাৰ্যসূচীৰ ৰূপায়নৰ বাবে আগ্ৰহ প্ৰকাশ কৰিছে ৷
প্ৰথমবাৰৰ বাবে ভ্ৰমণৰ বাবে অহা ৪০ বছৰীয়া অভিজ্ঞতাৰে পুষ্ট মালয়েছিয়ান উদ্যোগপতি কে চি ছিয়ে সময়ত অসমীয়া যুৱক-যুৱতীসকল এআই ব্যৱহাৰ কৰি কেনেকৈ ট্ৰেভেল ব্লগাৰ হ’ব পাৰি প্ৰশিক্ষণ প্ৰদান আৰু অসমৰ পৰ্যটন ক্ষেত্ৰখনত এআই সংযোগ ঘটোৱাৰ এক পৰিকল্পনা ব্যক্ত কৰে৷
ৰিলায়েন্স ইণ্ডাষ্ট্ৰীজৰ অধ্যক্ষ মুকেশ আম্বানীয়েও অসমৰ উন্নয়নত এআইৰ ভূমিকাক আলোকপাত কৰি আম্বানীয়ে অসমত এআই-ৰেডি ডাটা চেণ্টাৰৰ পৰিকল্পনা ঘোষণা কৰি কয় যে ইয়াৰ দ্বাৰা ছাত্ৰ-ছাত্ৰী, শিক্ষাবিদ, স্বাস্থ্যসেৱা পেছাদাৰী আৰু কৃষকসকলৰ সহায় হ’ব। অসমীয়া যুৱক-যুৱতীসকলক ডিজিটেল দক্ষতা প্ৰশিক্ষণ প্ৰদান কৰা, যাতে তেওঁলোকে ঘৰৰ পৰাই শিকিব আৰু উপাৰ্জন কৰাৰ সুবিধা প্ৰদান কৰাৰ উদ্দেশ্যে এই পৰিকল্পনা কাৰ হৈছে বুলি সংবাদ মাধ্যমৰ আগত প্ৰকাশ কৰে৷
মালয়েছিয়াৰ উদ্যোগপতি গৰাকীয়ে আনুষ্ঠানিক ব্যৱসায়িক ব্যৱস্থাৰ পূৰ্বসূৰী হিচাপে সম্পৰ্ক গঢ়ি তোলাৰ ওপৰত গুৰুত্ব আৰোপ কৰে। আৰু দক্ষিণ-পূব এছিয়াৰ ৰাষ্ট্ৰসমূহৰ সৈতে সংযোগ শক্তিশালী কৰাৰ বাবে অসমৰ কৌশলগত প্ৰচেষ্টাই এক গতি লাভ কৰা বুলি উল্লেখ কৰে৷ লগতে তেওঁ কয় যে অসম দক্ষিণ-পূব এছিয়াৰ লোকৰ সৈতে সংযোগ স্থাপনৰ বাবে অতি আগ্ৰহী সেইদৰে মালয়েছিয়া আৰু ভাৰতৰ মাজত সহযোগিতা গঢ়ি তুলিব পৰা ব্যৱসায়িক সুযোগৰ বাবে আমিও আগ্ৰহী বুলি উল্লেখ কৰে।
