সাংবাদিকৰ সৈতে কৰা দুৰ্ব্যৱহাৰৰ বাবে টুইটাৰযোগে ক্ষমা বিচাৰিলে বদৰুদ্দিনে

যোৱাকালি ২৭ ডিচেম্বৰ বুধবাৰে মানকাচৰত অনুষ্ঠিত এখন সংবাদমেলত এগৰাকী ডিজিটেল মেডিয়াৰ সাংবাদিকক প্ৰাণে মৰাৰ ভাবুকি দিয়াৰ পৰৱৰ্তী সময়ত সমগ্ৰ সংবাদ মাধ্যম  ক্ষোভিত হৈ পৰাৰ পাছত অৱশেষত এআইয়ুডিএফৰ মুৰব্বী বদৰুদ্দিন আজমলে সুৰ নৰম কৰা দেখা গৈছে।  আজি এটা টুইটাৰ বাৰ্তাৰ জৰিয়তে সাংসদগৰাকীয়ে তেওঁৰ কৃতকৰ্মৰ বাবে ক্ষমা বিচাৰিছে। তওঁ কৈছে যে তেওঁ গণতন্ত্ৰৰ চতুৰ্থ স্তম্ভ সংবাদ মাধ্যম তথা সাংবাদিকক শ্ৰদ্ধা কৰে।

আজমলে ক্ষমা বিচাৰি কয় যে মানকাচৰৰ ঘটনাটো ইচ্ছাকৃত নাছিল। নিজৰ টুইটট হেণ্ডেলত তেওঁ কৈছে, ‘‘সংবাদ মাধ্যম হৈছে গণতন্ত্ৰৰ চতুৰ্থ স্তম্ভ আৰু সকলোৱে জানে যে মই সংবাদ মাধ্যমক যথেষ্ট শ্ৰদ্ধা কৰোঁ।

উল্লেখ্য যে যোৱা কালিৰ ঘটনাটোৰ বাবে আজমলক বিভিন্ন মহলে যথেষ্ট গৰিহনা দিছে। ভালেমান সংবাদ সংস্থাই তেওঁৰ বিৰুদ্ধে এজাহাৰ দিয়াৰ ভাবুকি প্ৰদান কৰিছে।

Media is the fourth pillar of democracy and I have always respected media persons and everybody knows that I have sincere regards for them. The Mankachar incident was an unintentional aberration and I sincerely apologise for that to all concerned.@DY365 @pragnews@NewsLiveGhy

— Maulana Badruddin Ajmal (@MBadruddinAjmal) December 26, 2018

গুৱাহাটীস্থ ডিজিটেল জাৰ্নেলিষ্ট এছোচিয়েশ্যন অব আছামে (Digital Media Journalist Association of Assam চমুকৈ DiMJAA) প্ৰকাশ কৰিছে যে সংস্থাটোৱে আজি আজমলৰ বিপক্ষে এখন এজাহাৰ দাখিল কৰিব। উক্ত ঘটনাৰ পাছত সংবাদ মাধ্যম ভাতৃত্বই আজি ২৭ ডিচেম্বৰ বৃহস্পতিবাৰে দিচপুৰ প্ৰেছক্লাবৰ সন্মুখত প্ৰতিবাদ সাব্যস্ত কৰে।

উল্লেখ্য যে মানকাচৰত এখন সংবাদমেলক সম্বোধন কৰাৰ সময়ত তেওঁক এগৰাকী সাংবাদিকে নতুন দিল্লীত যিটো দলেই ক্ষমতাত থাকে তাৰেই পক্ষত থাকিব নেকি বুলি সোধাৰ পাচত হিতাহিত জ্ঞান-শূন্য হৈ পৰি সাংবাদিকগৰাকীৰ পৰা বুমটো কাঢ়ি আনি তেওঁক প্ৰাণে মৰাৰ ভাবুকি প্ৰদান কৰিছিল।