অখিল গগৈৰ মুক্তিৰ দাবীত মাক প্ৰিয়দা গগৈ অসুস্থ শৰীৰে বহিল অনশনত

‘কা’ বিৰোধী প্ৰতিবাদৰ মাজতে এইবাৰ অনশনত বহিল আশীতিপৰ এগৰাকী মাতৃ। কৃষক নেতা অখিল গগৈক শীঘ্ৰেই মুকলি কৰি দিয়াৰ দাবীত আজি তেওঁৰ মাতৃয়ে অনশনত বহে।

মৰিয়নীৰ চেলেংহাটৰ লুসুৰাখনস্থিত কৃষক নেতাগৰাকীৰ বাসগৃহতে আজিৰ পৰা মাক প্ৰিয়দা গগৈয়ে অনশনত বহিছে। অসুস্থ শৰীৰেই এগৰাকী মাতৃয়ে নিজৰ পুত্ৰৰ মুক্তিৰ দাবীত প্ৰতিবাদ অব্যাহত ৰাখিছে্।

উল্লেখযোগ্য যে শনিবাৰে অৰ্থাৎ ১৪ ডিচেম্বৰত NIA এ অখিল গগৈৰ বিৰুদ্ধে গোচৰ ৰুজু কৰিছিল। আৰু  ১৬ ডিচেম্বৰত ৰাষ্ট্ৰীয় তদন্তকাৰী সংস্থা (NIA)য়ে কৃষক নেতা গৰাকীক ৰাষ্ট্ৰদ্ৰোহৰ গোচৰত গ্ৰেপ্তাৰ কৰিছিল।

১৭ ডিচেম্বৰত গুৱাহাটীত থকা NIA ৰ আদালতত অখিলক হাজিৰ কৰোৱাৰ পিছত আদালতে ১০ দিনৰ বাবে NIAৰ জিম্মালৈ নেতা গৰাকীক প্ৰেৰণ কৰে।