Akhil Gogoi ”পৰিস্কাৰ শিৱসাগৰ সেউজ শিৱসাগৰ”। এই শ্লগান লৈ শুকুৰবাৰৰ পৰা মাহজোৰা কাৰ্যসূচীৰে শিৱসাগৰৰ বিভিন্ন স্থান চাফ চিকুন কৰাৰ দায়িত্ব ল’লে শিৱসাগৰৰ বিধায়ক অখিল গগৈয়ে।
শুকুৰবাৰে শিৱসাগৰ জিলা পৌৰ সভা আৰু বিধায়ক অখিল গগৈৰ সহযোগত মাহজোৰা কাৰ্যসূচীৰে পৰিস্কাৰ শিৱসাগৰ সেউজ শিৱসাগৰ অভিযানৰ শুভাৰম্ভ কৰা হয়।
প্ৰথমে শিৱসাগৰৰ ঐতিহাসিক যমুনা জলাশয়ৰ পৰা এই চফাই অভিযানৰ আৰম্ভ কৰা হয়।
ইয়াৰ পিছতে পৰ্য্যয়ক্ৰমে শিৱসাগৰৰ আন আন স্থানসমুহ পৰিস্কাৰ কৰাৰ লক্ষ্য অখিল গগৈৰ।
শিৱসাগৰক ৱৰ্ল্ড হেৰিটেজ চিটি হিচাপে গঢ়ি তোলাৰ ক্ষেত্ৰত ই এক প্ৰাথমিক কাৰ্য বুলি কয় অখিল গগৈয়ে।
এই ক্ষেত্ৰ সকলো শিৱসাগৰবাসীক সহযোগ কৰিবলৈ আহ্বান জনায় বিধায়ক অখিল গগৈয়ে।
আনহাতে, মুখ্যমন্ত্ৰী হিমন্ত বিশ্ব শৰ্মা আৰু স্বাস্থ্যমন্ত্ৰীক অহা ১ ডিচেম্বৰৰ পৰা শিৱসাগৰৰ সকলো পুৰাতাত্ত্বিক ক্ষেত্ৰসমুহ পৰ্যটকৰ বাবে খুলি দিবলৈ আহ্বান জনায় অখিল গগৈয়ে।