পুনৰবাৰ অখিল গগৈ কোভিড-১৯ পজিটিভত আক্ৰান্ত হোৱাৰ খবৰ আহিছে।
জেইল কৰ্তৃপক্ষই অখিল গগৈৰ অধিবক্তাক জনাইছে এই কথা। আজি বিয়লি পুনৰ এন্টিজেন টেষ্ট কৰোৱা হয় অখিল গগৈক।
যোৱা বুধবাৰে তেওঁৰ এন্টিজেন টেষ্টত কোভিড-১৯ নিগেটিভ হিচাপে চিনাক্ত হৈছিল আৰু কালি অহা ৰেপিড টেষ্টিংটো তেওঁৰ নিগেটিভ অহা বুলি জনাইছিল।
জেইলত মুঠ ২৫গৰাকী কাৰাবন্দী ক’ৰ’ণাত আক্ৰান্ত হোৱা বুলি জানিব পৰা গৈছে।
বিগত প্ৰায় তিনিমাহ ধৰি কাৰাৰুদ্ধ হৈ আছে কৃষক মুক্তি সংগ্ৰাম সমিতিৰ নেতা অখিল গগৈ।
অখিলৰ পূৰ্বে পৰহি কৃষক মুক্তি সংগ্ৰাম সমিতিৰ কেন্দ্ৰীয় সাধাৰণ সম্পাদক ধৈৰ্য কোঁৱৰ আৰু ছাত্ৰ মুক্তি সংগ্ৰাম সমিতিৰ কেন্দ্ৰীয় সভাপতি বিতু সোণোৱালো ক’ৰ’নাত আক্ৰান্ত হৈছিল।
কালিৰ দিনটোতে NDFBৰ নেতা ৰঞ্জন দৈমাৰীয়ো ক’ৰ’ণাত আক্ৰান্ত হৈছিল।
অখিলক বৰ্তমান ক’ত চিকিৎসা কৰাইছে সেই কথা সুধিবলৈ জেইল কৰ্তৃপক্ষক যোগাযোগ কৰা হৈছিল যদিও উত্তৰ পোৱা নগ’ল।
কৃষক মুক্তিৰ এক সূত্ৰমতে অখিল গগৈক চিকিৎসাৰ বাবে জি এম চি এইচত ভৰ্তি কৰোৱা হৈছে।
আনহাতে আন এগৰাকী কাৰাৰুদ্ধ নেতা মানস কোঁৱৰৰ ৰিজাল্ট এতিয়াও আহিব বাকী আছে।
উল্লেখ্য যে, কাৰাগাৰত কৃষক নেতা অখিল গগৈ, ধৈৰ্য কোঁৱৰ আৰু বিতু সোণোৱালে প্ৰচণ্ড জ্বৰ-কাঁহ আৰু গা বিষত ভুগিছিল।
ন্যায়ালয়ৰ নিৰ্দেশত বুধবাৰে তিনিওৰে ক’ৰ’না পৰীক্ষা কৰা হৈছিল।