আলফা-স্বাধীনৰ অভিযুক্ত অধ্যক্ষ মুকুল হাজৰিকা ওৰফে অভিজিত অসমক ভাৰতলৈ প্ৰত্যাৰ্পণ কৰা নহয়। মুকুল হাজৰিকাই ব্ৰিটেইনৰ আদালতত এক আইনী যুঁজত জয়ী হোৱাৰ পিছতে এই কথা নিশ্চিত হৈছে।
ভাৰতীয় বংশোদ্ভূত অসমৰ এগৰাকী চিকিৎসক মুকুল হাজৰিকাই সন্ত্ৰাসবাদীৰ অভিযোগত ভাৰতলৈ প্ৰস্তাৱিত প্ৰত্যাৰ্পণৰ সন্দৰ্ভত এটা গোচৰত যুঁজ দিছিল।
আলফা-স্বাধীনৰ অধ্যক্ষ হোৱাৰ অভিযোগৰ বাবে তেওঁৰ বিৰুদ্ধে সন্ত্ৰাসবাদীৰ অভিযোগ আৰোপ কৰা হৈছিল। বিষয়টোৰ শুনানি গ্ৰহণ কৰা ব্ৰিটেইনৰ আদালতে বৃহস্পতিবাৰে মুকুল হাজৰিকাক অভিযোগৰ পৰা অব্যাহতি দিয়ে।
বৰ্তমান এগৰাকী ব্ৰিটিছ নাগৰিক ৭৫ বছৰীয়া মুকুল হাজৰিকা উত্তৰ ইংলেণ্ডৰ ক্লিভলেণ্ডৰ এগৰাকী চিকিৎসক। ভাৰত চৰকাৰৰ বিৰুদ্ধে যুদ্ধ ঘোষণা কৰা আৰু ইউএপিএ (UAPA)ৰ অধীনত সন্ত্ৰাসবাদৰ ষড়যন্ত্ৰ ৰচনা কৰাৰ অভিযোগৰ গোচৰত ভাৰত চৰকাৰে তেওঁক বিচাৰিছিল।
ৱেষ্টমিনষ্টাৰ দণ্ডাধীশৰ আদালতে ইয়াৰ ৰায়ত কয় যে অভিযুক্তক অব্যাহতি দিব লাগিব কিয়নো গোচৰটোৰ বাবে তথ্য পাতি সন্তোষজনক নহয়।
ৱেষ্টমিনষ্টাৰ দণ্ডাধীশৰ আদালতৰ ন্যায়াধীশ মাইকেল স্নোৱে কয় যে এনে কোনো গ্ৰহণযোগ্য প্ৰমাণ নাই যিয়ে প্ৰমাণ কৰে যে আবেদনকাৰী আলফা-স্বাধীনৰ অধ্যক্ষ অভিজিত অসম।
“মই এই সিদ্ধান্তত উপনীত হৈছো যে এনে কোনো গ্ৰহণযোগ্য প্ৰমাণ নাই যিয়ে প্ৰয়োজনীয় চিনাক্তকৰণৰ জৰিয়তে নিশ্চিত কৰে যে আবেনকাৰী আলফা-স্বাধীনৰ অধ্যক্ষ আছিল বা প্ৰশিক্ষণ শিবিৰত ভাষণ দিছিল। মই সন্তুষ্ট যে সঠিকভাৱে নিৰ্দেশিত তথ্যৰ ন্যায়াধিকৰণে প্ৰমাণৰ আধাৰত আবেনকাৰীক ‘অসম’ বা দোষী বুলি যুক্তিসঙ্গতভাৱে আৰু সঠিকভাৱে বিচাৰি উলিয়াব নোৱাৰিলে। মই আবেদনকাৰীক এছ 84(5) 2003 [প্ৰত্যাৰ্পণ] আইন অনুসৰি অব্যাহতি দিছো,” তেওঁ কয়।
লক্ষণীয়ভাৱে, লণ্ডনৰ এগৰাকী চিকিৎসক পৰেশ বৰুৱা নেতৃত্বাধীন আলফা-স্বাধীনৰ প্ৰাক্তন অধ্যক্ষ ড০ মুকুল হাজৰিকা ওৰফে অভিজিত অসমক অলপতে MI6-য়ে তেওঁৰ প্ৰকৃত পৰিচয় জানিবলৈ জেৰা কৰিছিল।
বাতৰি অনুসৰি, জেৰাৰ পিছত অভিজিত অসমে যুক্তৰাজ্য চৰকাৰৰ দ্বাৰা ভাৰতলৈ প্ৰত্যাৰ্পণৰ আশংকা কৰি আলফা স্বাধীন ত্যাগ কৰে।
ভাৰতে এন আই এৰ এক গোচৰৰ সন্দৰ্ভত মুকুল হাজৰিকা ওৰফে অভিজিত অসমক প্ৰত্যাৰ্পণৰ বাবে ব্ৰিটেইনক আনুষ্ঠানিক অনুৰোধ জনাইছিল।
লগতে পঢ়ক: আৰক্ষীৰ কলাৰত ধৰি টানি বিতৰ্কত কংগ্ৰেছ নেত্ৰী; কি স্পষ্টীকৰণ দিলে নেত্ৰীগৰাকীয়ে?
২০১৭ চনত এনআইএয়ে অভিজিত অসমৰ বিৰুদ্ধে বেআইনী কাৰ্যকলাপ প্ৰতিৰোধ আইনৰ (ইউএপিএ) ধাৰা ১৮, ১৮এ, ১৮বি আৰু ২০ আৰু ভাৰতীয় দণ্ডবিধিৰ (আইপিচি) ১২১এ আৰু ১২৪এ ধাৰাৰ অধীনত এটা গোচৰ ৰুজু কৰিছিল।
যোৱা বছৰ, আলফা স্বাধীনৰ মুৰব্বী পৰেশ বৰুৱাই দাবী কৰিছিল যে সংগঠনটোৰ তেতিয়াৰ অধ্যক্ষ অভিজিত অসম নিৰাপত্তা বাহিনী আৰু চোৰাংচোৱা সংস্থাৰ বাবে সৃষ্টি কৰা এক ‘কল্পকাহিনী’হে।
