কংগ্ৰেছ নেতা-কৰ্মীসকলে সোমবাৰৰ পৰা ৰাহুল গান্ধীক ইডিৰ জেৰাৰ বিৰুদ্ধে প্ৰতিবাদ কৰি আহিছে। বৃহস্পতিবাৰেও দেশৰ বিভিন্ন প্ৰান্তত প্ৰতিবাদ সাৱ্যস্ত কৰা হৈছিল। সেইদৰে, তেলেংগানাৰ ৰাজধানী হায়দৰাবাদত কংগ্ৰেছ নেত্ৰী ৰেণুকা চৌধুৰীৰ বিৰুদ্ধে হাতেৰে আৰক্ষীৰ কলাৰত ধৰি টনাৰ অভিযোগ উত্থাপিত হয়।
স্বাভাৱিকতেই বিষয়টোৱে বিতৰ্কৰ সৃষ্টি কৰিছে। অৱশ্যে কংগ্ৰেছ নেত্ৰীগৰাকীয়ে দাবী কৰিছে যে তেওঁ কেৱল ভাৰসাম্য ৰাখিবলৈহে আৰক্ষীজনৰ কলাৰত ধৰিছিল।
বাতৰি অনুসৰি ৰেণুকাই কয়, “মই মোৰ ভাৰসাম্য হেৰুৱাই পেলাইছিলো। মোৰ হাতখন পিছলি গৈছিল। সেয়েহে মই তেওঁৰ কলাৰটোত ধৰিছিলোঁ।‘’
তদুপৰি, তেওঁ দাবী কৰে যে এই বিষয়টোত অপ্ৰয়োজনীয়ভাৱে হুলস্থুল কৰি সকলোৰে মনোযোগ মূল বিষয়ৰ পৰা আঁতৰাই নিয়াৰ প্ৰয়াস কৰা হৈছে।
তেওঁ কয়, “আৰক্ষীয়ে মহিলাসকলক সন্মান কৰা উচিত। যদি আপুনি ভিডিঅ’টো দেখে, আপুনি বুজি পাব যে মোক কেনেদৰে দুৰ্ব্যৱহাৰ কৰা হৈছিল। কেনেকৈ মোক ঢকিয়াই দিয়া হৈছিল।”
#WATCH | Telangana: Congress leader Renuka Chowdhury holds a Policeman by his collar while being taken away by other Police personnel during the party's protest in Hyderabad over ED summons to Rahul Gandhi. pic.twitter.com/PBqU7769LE
— ANI (@ANI) June 16, 2022
ইপিনে, দিল্লী আৰক্ষীৰ বিৰুদ্ধেও অভিযোগ উত্থাপিত হৈছে। অমিত শ্বাহৰ আৰক্ষীয়ে এগৰাকী মহিলা কংগ্ৰেছ সাংসদৰ কাপোৰ ফালি পেলাইছে বুলি কংগ্ৰেছ নেতা শশী থাৰুৰে দাবী কৰে।
কংগ্ৰেছ নেতা ৰাহুল গান্ধীয়ে যোৱা তিনিদিন ধৰি ইডিৰ দ্বাৰা ৩০ ঘণ্টা জেৰাৰ সন্মুখীন হ’ব লগা হৈছে। এনে পৰিস্থিতিত কংগ্ৰেছে দেশজুৰি প্ৰতিবাদ আৰম্ভ কৰিছে। ইয়াৰ পূৰ্বে কংগ্ৰেছে দেশজুৰি ৰাজভৱন ঘেৰাও কাৰ্যসূচী ঘোষণা কৰিছিল।
Why were male police officers around me? pic.twitter.com/oHRQ8YqHzz
— Renuka Chowdhury (@RenukaCCongress) June 16, 2022
বৃহস্পতিবাৰে, অসমতো কংগ্ৰেছ নেতা- কৰ্মীসকলে ৰাজভৱন ঘেৰাও কাৰ্যসূচী গ্ৰহণ কৰিছিল যদিও ঘটনাস্থলীৰ পৰা কংগ্ৰেছ কৰ্মী আৰু নেতাসকলক গ্ৰেপ্তাৰ কৰা হয়।