একুৱানউট ফেবিয়েন কউছটিঅ’ আৰু ইণ্ডাষ্ট্ৰীয়েল ডিজাইনাৰ য়েভছ বেহৰৱৰ্ল্ডছে কেৰিবিয়ান সাগৰপৃষ্ঠৰ ৬০ফুট গভীৰত এটা পানীৰ তলৰ স্পেচ ষ্টেশ্যন’ৰ(আণ্ডাৰ ৱাটাৰ স্পেচ ষ্টেশ্যন)ধাৰণা লৈ আহিছে।
তেওঁলোকে এটা বৃহৎ আণ্ডাৰ ৱাটাৰ ৰিচাৰ্ছ ষ্টেশ্যন আৰু লগতে বসতি গঢ়ি তোলাৰ লক্ষ্য স্থিৰ কৰিছে আৰু ইয়াৰ অভিলাষী ডিজাইন মুকলি কৰিছে।
৪,০০০বৰ্গফুট জোৰা মডুলাৰ লেবটো কুৰাকাও উপকূলৰ ফালৰ পানীৰ তলত বহুওৱা হ’ব।
ইয়াত বিশ্বৰ বিভিন্ন প্ৰান্তৰ গৱেষক আৰু বিজ্ঞানীসকলৰ বাসগৃহ থাকিব। তেওঁলোকে সাগৰত জলবায়ু পৰিৱৰ্তনৰ প্ৰভাৱ সম্পৰ্কে অধ্যয়ন কৰিব।
বায়ু আৰু সৌৰ শক্তি আৰু সাগৰৰ তাপ শক্তিৰ ৰূপান্তকৰণেৰে সংগ্ৰথিত ইয়াত লেবৰটৰী, ব্যক্তিগত আৱাস, মেডিকেল বে’ আৰু মুন পুল(moon pool)থাকিব।
নতুনকৈ মুকলি কৰা ডিজাইনটো হৈছে এই অভিলাষী প্ৰকল্পটোৰ শেহতীয়া পদক্ষেপ।
কউছটিঅ’ৰ মতে, কৰ’না ভাইৰাছ মহামাৰীৰ বাবে যদিও ইতিমধ্যে প্ৰকল্পটোত বিলম্ব ঘটিছে, প্ৰটিয়াছ স্থাপন কৰালৈকে তিনিবছৰ সময় লাগিব।
কউছটিঅ’ হৈছে বিখ্যাত ওচেন’গ্ৰাফিক এক্সপ্ল’লাৰ্ছ পৰিয়ালৰ পৰা ব্যক্তি। তেওঁ প্ৰসিদ্ধ চলচ্চিত্ৰ নিৰ্মাতা জীন-মাইকেল কউছটিঅ’ পুত্ৰ আৰু একুৱা-লাঙৰ সহ-নিৰ্মাতা জেক-য়েভ কউছটিঅ’ নাতি।
এই প্ৰকল্পটোত একুৱানউট ফেবিয়েন কউছটিঅ’ ওচেন লাৰ্নিং চেন্টাৰ আৰু ইণ্ডাষ্ট্ৰীয়েল ডিজাইনাৰ য়েভছ বেহৰৱৰ্ল্ডছৰ ডিজাইন ফাৰ্ম ফুৱেছপ্ৰজেক্টৰ যৌথ প্ৰচেষ্টা আৰু ইয়াত সহযোগ কৰিছে নৰ্থইষ্টাৰ্ণ য়ুনিভাৰ্ছিটি, ৰুটগাৰ্ছ য়ুনিভাৰ্ছিটি আৰু কেৰিবিয়ান ৰিচাৰ্ছ এণ্ড মেনেজমেন্ট অফ বায়’ডাইভাৰছিটি ফাউণ্ডেশ্যনে।
সাগৰীয় গৱেষণাৰ ওপৰত গুৰুত্ব আৰোপ কৰিও কউছটিঅ’ই কয় যে প্ৰকৃতিগতভাৱে সাদৃশ্য নাথাকিলেও তেওঁ অন্তৰীক্ষ গৱেষণাৰ এগৰাকী ডাঙৰ অনুৰাগী। দুয়ো ধৰণৰ অভিযানতে মানুহৰ প্ৰতিকূল অৱস্থাত অপৰিসীম সাধনাৰ প্ৰয়োজন।
এই প্ৰকল্প সম্পূৰ্ণ হ’লে বিশ্বই সাগৰীয় গৱেষণাৰ দিশত এক নতুন গতি লাভ কৰিব বুলি আশা কৰিব পাৰি।