ঋণৰ বোজাত অনিল আম্বানী! প্ৰৱঞ্চনাকাৰী আখ্যা ভাৰতীয় ষ্টেট বেংকৰ

ঋণৰ বোজাই আবৰি ধৰিছে এসময়ত পৃথিৱীৰ ষষ্ঠ ধনী ব্যক্তিৰ তালিকাত স্থান লাভ কৰা অনিল আম্বানীক। দীৰ্ঘদিন ধৰি ধাৰত পৰি অহিছে। এইবাৰ তেওঁৰ প্ৰতিষ্ঠানটোক ‘প্ৰৱঞ্চনাকাৰী আখ্যা দিলে’ ভাৰতীয় ষ্টেট বেংকে।

জানিব পৰা মতে, ৰিলায়েন্স কমিউনিকেচনত হোৱা জালিয়াতিৰ প্ৰতিবেদন ভাৰতীয় ৰিজাৰ্ভ বেংকত দাখিল কৰা হ’ব। অনুমান কৰা হৈছে যে এইবাৰ আন প্ৰতিষ্ঠানসমূহেও ঋণৰ অভিযোগ উত্থাপন কৰিলে আৰ বি আইতো অভিযোগ দাখিল কৰিব। গধুৰ ঋণৰ বোজাৰ বাবে সকলো সম্পত্তি হোৰৱাইছে বুলি উল্লেখ কৰি কয় বৰ্তমান তেওঁৰ কোনো বিশেষ সম্পত্তি নাই। জীৱিকাৰ বাবেও পত্নী আৰু সন্তানৰ ওপৰত নিৰ্ভৰশীল।

ইতিমধ্যে অনিল আম্বানীৰ কোম্পানীটো দেউলীয়া ঘোষণা কৰা হৈছে। ৰিলায়েন্সৰ মুৰব্বীগৰাকীয়েও সম্পত্তি বিক্ৰী কৰি পাওনাদাৰৰ ঋণ ৰেহাই পাবলৈ চেষ্টা কৰিছে। কিন্তু অনিল আম্বানীৰ বিপদ কমি যোৱা নাই। যোৱা বছৰ ভাৰতীয় ছিকিউৰিটিজ এণ্ড এক্সচেঞ্জ ব’ৰ্ডে তেওঁৰ ওপৰত পাঁচ বছৰৰ বাবে নিষেধাজ্ঞা আৰোপ কৰিছিল। ৰিলায়েন্স হোম ফাইনেন্সৰ প্ৰাক্তন মুৰব্বীগৰাকীকো ২৫ কোটি টকা জৰিমনা বিহা হয়। ২০২২ চনৰ ফেব্ৰুৱাৰী মাহত অনিল আৰু আন তিনিজন লোকে ৰিলায়েন্স হোম ফাইনেন্সৰ পুঁজিৰ পৰা অবৈধভাৱে ধন উলিওৱাৰ অভিযোগ উত্থাপন হৈছিল। ইয়াৰ পিছত তেওঁৰ ওপৰত নিষেধাজ্ঞা আৰোপ কৰা হয়। ইয়াৰ পূৰ্বে ২০২২ চনত ইডিয়ে মাতি দীৰ্ঘদিন ধৰি জেৰা কৰিছিল। ইয়াৰ পূৰ্বে ইডিয়ে ২০২২ চনত এবাৰ অনিল আম্বানীক চমন কৰিছিল। তেওঁ য়েছ বেংকৰ ঋণৰ গোচৰতো জড়িত আছিল। পিছত বেংকটোৰ অন্যতম প্ৰতিষ্ঠাপক ৰানা কাপুৰক অভিযোগত গ্ৰেপ্তাৰ কৰা হয়।

লক্ষ্যণীয় হ’ব যে সাধাৰণ জনতাৰ পৰা যিদৰে বেংকে ঋণ পৰিশোধ কৰিবলৈ বাধ্য কৰাই বা আদয় কৰে ঠিক সেই দৰে অনিল অম্বানীকো অনাদায় ঋণ পৰিশোধ কৰিবলৈ বাধ্য কৰিব পাৰিব নে? নে ধনী বুলি সকলো ঋণ ৰেহাই দিব…