South Asian Karate tournament ছাউথ এছিয়ান কাৰাটে প্ৰতিযোগিতাত সোণৰ পদক অৰ্জন কৰি শিৱসাগৰলৈ গৌৰৱ কঢ়িয়াই আনিলে পুৰণিপুখুৰী ৰূপহী বিল গাঁৱৰ যুৱক অংকুৰ দাসে ।
আছিহাৰা কাৰাটে এছোচিয়েশ্যনৰ উদ্যোগত ২৫ জুনৰ পৰা দুদিনীয়াকৈ পশ্চিম বংগত অনুষ্ঠিত হোৱা ছাউথ এছিয়ান কাৰাটে প্ৰতিযোগিতাত সোণৰ পদক অৰ্জন কৰে শিৱসাগৰৰ অংকুৰ দাসে ।
নেপাল, ভূটান, পাকিস্তান, বাংলাদেশ, শ্ৰীলংকা আদি ছাউথ এছিয়ান দেশসমূহে অংশগ্ৰহণ কৰা প্ৰতিযোগিতাখনিৰ ফাইনেলত নেপালৰ প্ৰতিযোগীক পৰাস্ত কৰি বিজয়ীৰ খিতাপ অৰ্জন কৰে শিৱসাগৰৰ অংকুৰ দাসে ।
শিৱসাগৰ আছিহাৰা কাৰাটে এছোচিয়েশ্যনৰ হৈ প্ৰায় ৪০ জন প্ৰতিযোগীয়ে অংশগ্ৰহণ কৰা পশ্চিম বংগত অনুষ্ঠিত প্ৰতিযোগিতাখনত সোণৰ পদক অৰ্জন কৰি শিৱসাগৰলৈ গৌৰৱ কঢ়িয়াই অনা দিন-হাজিৰা কৰি পৰিয়াল পোহপাল দিয়া পুৰণি পুখুৰী ৰূপহী বিল গাঁৱৰ মৃদুল দাসৰ পুত্ৰ অংকুৰ দাসক শিৱসাগৰ জিলা অনুসূচিত জাতি ছাত্ৰ সন্থাৰ লগতে স্থানীয় ৰাইজে উষ্ম আদৰণি জনোৱা পৰিলক্ষিত হয়।
