ৰাজ্যত আজি এ পি ডি চি এলৰ পৰীক্ষা চলি থকাৰ মাজতে একাংশ ৱাটছ এপ গ্ৰুপে গ্ৰুপে এতিয়া ঘূৰি ফুৰিছে পৰীক্ষাৰ প্ৰশ্ন কাকত। এগৰাকী যুৱতীয়ে এই সংক্ৰান্তত ফটোসহ কৰা ফে’চবুক প’ষ্টে ছ’চিয়েল মেডিয়াত ব্যাপক প্ৰতিক্ৰিয়াৰ সৃষ্টি কৰিছে।
উল্লেখযোগ্য যে অসম বিদ্যুৎ বিতৰণ কোম্পানী লিমিটেডৰ অধীনত আজি শক্তি বিভাগৰ তৃতীয় আৰু চতুৰ্থ বৰ্গৰ পদৰ বাবে লিখিত পৰীক্ষা অনুষ্ঠিত হৈ আছে।
আনহাতে নগাঁৱৰ বাছনি পৰীক্ষা চলি থকা বেংগলী ছোৱালী হাইস্কুল পৰীক্ষা কেন্দ্ৰত নকল যোগানৰ চেষ্টা কৰি এগৰাকী নিৰীক্ষক আৰক্ষীৰ জালত পৰাত পৰীক্ষা কেন্দ্ৰটোত তীব্ৰ উত্তেজনা সৃষ্টি হয়। অভিযুক্ত নিৰীক্ষক গৰাকীক নন্দন ৰয় বুলি চিনাক্ত কৰা হৈছে।
আৰক্ষীয়ে নিৰীক্ষক গৰাকীক আটক কৰি ঘটনাস্থলীৰ পৰা লৈ যায় যদিও পৰীক্ষাৰ্থীসকল প্ৰতিবাদত নামি পৰে। এ পি ডি চি এলৰ পৰীক্ষা বাতিলৰ দাবীত তেওঁলোকে পৰিৱেশ উত্তাল কৰি তোলে।