একাংশ বিৰোধী নেতা আৰু সাংবাদিকলৈ সতৰ্কবাণী জাৰি কৰিছে মোবাইল আৰু কম্পিউটাৰ নিৰ্মাণকাৰী কোম্পানী এপলে।
ৰাষ্ট্ৰৰ পৃষ্ঠপোষকতাত বিৰোধী নেতা আৰু সাংবাদিকৰ এপল কোম্পানীৰ ইলেক্ট্ৰনিক ডিভাইছ সমূহত আক্ৰমণ হ’ব পাৰে বুলি সাৱধান কৰি দিছে কোম্পানীটোৱে।
আমেৰিকাৰ বহুজাতিক প্ৰযুক্তি কোম্পানী এপল ইনকৰ্পৰেশ্যনে একাধিক বিৰোধী নেতাৰ লগতে ৰাষ্ট্ৰৰ পৃষ্ঠপোষকতাত আক্ৰমণকাৰীয়ে লক্ষ্য কৰি লোৱা সাংবাদিকলৈ এই সতৰ্কবাণী জাননী প্ৰেৰণ কৰিছে।
কোম্পানীয়েটোৱে জনোৱা মতে, ৰাষ্ট্ৰৰ পৃষ্ঠপোষকতাত কিছুমান আক্ৰমণকাৰীয়ে বিৰোধী নেতা আৰু একাংশ সাংবাদিকে ব্যৱহাৰ কৰা আইফোন সমূহৰ ওপৰত আক্ৰমণ চলোৱাৰ চেষ্টা কৰিছে।
Wonder who? Shame on you.
Cc: @HMOIndia for your kind attention pic.twitter.com/COUJyisRDk— Priyanka Chaturvedi🇮🇳 (@priyankac19) October 30, 2023
ইতিমধ্যে এপলে মহুৱা মৈত্ৰ (তৃণমূল কংগ্ৰেছৰ সাংসদ), প্ৰিয়ংকা চতুৰ্বেদী (শিৱসেনাৰ ইউ বি টি সাংসদ), ৰাঘৱ চাধা (আপ সাংসদ), শশী থাৰুৰ (কংগ্ৰেছৰ সাংসদ), সীতাৰাম য়েচুৰী ( চি পি আই (এম)ৰ সাধাৰণ সম্পাদক তথা প্ৰাক্তন সাংসদ), পৱন খেৰা (কংগ্ৰেছৰ মুখপাত্ৰ), অখিলেশ যাদৱ (সমাজবাদী পাৰ্টিৰ সভাপতি), সিদ্ধাৰ্থ বাৰদৰাজন (প্ৰতিষ্ঠাপক সম্পাদক, দ্য ৱায়াৰ), শ্ৰীৰাম কাৰী (আৱাসী সম্পাদক, ডেকান ক্ৰনিকল), সমীৰ সাৰণ (সভাপতি , পৰ্যবেক্ষক গৱেষণা ন্যাস) আৰু ৰাহুল গান্ধীৰ বাবে কাম কৰা কেইবাগৰাকীও কৰ্মীলৈ এই সতৰ্কবাণী জাৰি কৰিছে।
Dear Modi Sarkar, why are you doing this? pic.twitter.com/3hWmAx00ql
— Pawan Khera 🇮🇳 (@Pawankhera) October 31, 2023
এই লোকসকললৈ এপলে প্ৰেৰণ কৰা বাৰ্তাটোত লিখা আছিল, “ALERT: ৰাষ্ট্ৰৰ পৃষ্ঠপোষকতাত আক্ৰমণকাৰীয়ে আপোনাৰ আইফোনক লক্ষ্য কৰি ল’ব পাৰে। যদি আপোনাৰ ডিভাইচটো ৰাষ্ট্ৰৰ পৃষ্ঠপোষকতাত আক্ৰমণকাৰীৰ দ্বাৰা হেক কৰা হয় তেন্তে তেওঁলোকে আপোনাৰ স্পৰ্শকাতৰ তথ্য, যোগাযোগ আনকি কেমেৰা আৰু মাইক্ৰ’ফোনকো আঁতৰৰ পৰা অভিগম কৰিব পাৰিব।”
