নাহেন্দ্ৰ পাদুন, সূৰ্য হাজৰিকা, য়েছে দৰজে ঠংছি , কোন হ’ব পাৰে অসম সাহিত্য সভাৰ পৰৱৰ্তী সভাপতি? ইতিমধ্যে সাহিত্য সভাৰ সভাপতিকে ধৰি আন কেইবাটাও পদৰ বাবে নিৰ্বাচনী প্ৰক্ৰিয়া আৰম্ভ হৈছে। নিৰ্বাচনৰ পূৰ্বে ৰীতি অনুসৰি নিৰ্বাচনী আচৰণবিধিও বলৱৎ হৈছে।
উল্লেখ্য ২০ অক্টোবৰৰ পৰা ২২ অক্টোবৰলৈ সাহিত্য সভাৰ তিনিওটা পদৰ বাবে মনোনয়ন পত্ৰ দাখিল পৰ্ব চলিছিল। হ’ব। ২৭ ছেপ্তেম্বৰত অসম ৰাজ্যিক নিৰ্বাচন আয়োগৰ প্ৰাক্তন আয়ুক্ত হৰেন্দ্ৰ নাথ বৰা তথা গুৱাহাটী উচ্চ ন্যায়ালৰ অধিবক্তাদ্বয় নীলাঞ্জন ডেকা আৰু জিতেন পায়েঙক সদস্য হিচাপে লৈ নিৰ্বাচনী কমিটী গঠন কৰা হৈছিল।
১৬ অক্টোবৰৰ পৰা ২২ অক্টোবৰলৈ খচৰা ভোটাৰ তালিকা সন্দৰ্ভত ওজৰ-আপত্তিসমূহ নিষ্পত্তি কৰি চূড়ান্ত ভোটাৰ তালিকা প্ৰকাশ কৰা হৈছিল। ২০ ৰ পৰা ২২ অক্টোবৰলৈ যোৰহাটৰ কেন্দ্ৰীয় কাৰ্যালয়ৰ পৰা প্ৰাৰ্থীসকলে মনোনয়ন পত্ৰ সংগ্ৰহৰ পৰ্ব চলিছিল। ১৩ নৱেম্বৰত ভোটদানৰ অন্তিম তাৰিখ নিৰ্ণয় কৰা হৈছে। এইবাৰ সভাপতি পদৰ বাবে নাহেন্দ্ৰ পাদুন, সূৰ্য হাজৰিকা, য়েছে দৰজে ঠংছি আদিয়ে প্ৰতিদ্বন্বিতা কৰিছে।
