‘অসমী’ আৰু ‘ছিয়েল’ৰ দ্বাৰা পুনেত লাচিত বৰফুকন স্মাৰক বক্তৃতা সম্পন্ন

ভাৰত চৰকাৰৰ ডেপুটী ৰাষ্ট্ৰীয় নিৰাপত্তা উপদেষ্টা আৰ এন ৰৱিয়ে পুনেস্থিত প্ৰৱাসী অসমীয়া সমাজ ‘অসমী’ আৰু ছিয়েলে (Students’ Experience in Interstate Living চমুকৈ SEIL) যোৱা ১৬ ডিচেম্বৰত আয়োজন কৰা লাচিত বৰফুকন স্মাৰক বক্তৃতা অনুষ্ঠানত কৰা ভাষণত প্ৰকাশ কৰিছে, ‘‘চৰকাৰৰ নীতিৰ স্পষ্ট দৃষ্টি আৰু চিন্তাৰ পৰিৱৰ্তিত গাঁথনিয়ে উত্তৰ পূৰ্বাঞ্চল ভাৰতৰ অতীৱ প্ৰয়োজনীয় সামাজিক বিকাশ আৰু পৰিৱৰ্তন সাধন কৰিছে।

এই অনুষ্ঠানটো হৈছে উত্তৰ পূৰ্বাঞ্চলৰ সংঘাত প্ৰশমণ, বিকাশ আৰু নিৰাপত্তা সম্পৰ্কীয় দিশসমূহৰ ওপৰত চিত্তাকৰ্ষক ভাষণৰ আয়োজন এইবাৰেই প্ৰথম পুনেত সম্পন্ন হৈ যায়।

অসমীয় সভাপতি সমীৰণ ফুকনে তেওঁৰ আদৰণি ভাষণত কৈছে যে অসমীয়ে মহাৰাষ্ট্ৰ আৰু উত্তৰ পূৰ্বাঞ্চলৰ মাজত এখন সেতু নিৰ্মাণ কৰিবলৈ প্ৰচেষ্টা কৰি আছে। তেওঁ লাচিত বৰফুকনক মহাৰাষ্ট্ৰৰ শিৱাজীৰ সৈতে ৰিজনি কৰে আৰু মন্তব্য কৰে যে মোগলৰ পৰা অসমক মুক্ত কৰি ৰখা সত্বেও ইতিহাসৰ কিতাপসমূহত তেওঁক তেওঁৰ যোগ্য সন্মান প্ৰদান কৰা হোৱা নাই।

নিজৰ ভাষণত ৰৱিয়ে উত্তৰ পূৰ্বাঞ্চলৰ বিক্ষিপ্ত যুদ্ধসমূহৰ সিদ্ধান্ত সম্পৰ্কে জনা বিভিন্ন গুৰুত্বপূৰ্ণ দিশৰ ওপৰত ভাষণ প্ৰদান কৰে। তেওঁ লাচিত বৰপুকনৰ ৰণকৌশল, যেনে নৌ যুদ্ধ, প্ৰতাৰণা, নিজৰ সৈন্যৰ মনত সাহসৰ সঞ্চাৰ কৰাৰ কৌশল আদিৰ ভূয়সী প্ৰশংসা কৰে।

তেওঁ কয় যে লাচিতে আক্ৰমণকাৰী মোগলৰ বিৰুদ্ধে যুদ্ধ কৰিছিল আৰু অসমীয়ৰ স্বাধীনতা ৰক্ষা কৰিছিল। অসমীয়া সৈন্যৰ সংখ্যাৰ তুলনাত বিশাল সংখ্যক মোগল সৈন্যবাহিনীক খেদি পঠোৱাত  লাচিত বৰফুকনৰ ভূমিকাৰ কথা উ্লেখ কৰি তেওঁ কয় যে লাচিত বৰফুকন কেবল সামৰিক ক্ষেত্ৰতেই সময়তকৈ আগবঢ়া আছিল এনে নহয়, তেওঁ এগৰাকী ৰাষ্ট্ৰনেতা আৰু বহুমুখী ব্যক্তিত্বসম্পন্ন লোক আছিল।

ৰৱিয়ে এনআৰচি আৰু নাগৰিকত্ব বিধেয়ক সন্দৰ্ভত সংবেদনশীলতাৰে আগবাঢ়ি যথাৰ্থ অনুপ্ৰৱেশকাৰীক চিনাক্ত কৰা আৰু তেওঁলোকক নিজৰ দেশলৈ ঘূৰাই পঠোৱাত সহায় কৰিবলৈ জনসাধাৰণক আৱেদন জনায়।

ডোকলাম বিষয়ত তেওঁ কয় যে চীনে প্ৰতিখন ৰাজ্য ভ্ৰমণ কৰি এটা মনোবৈজ্ঞানিক সিদ্ধান্তত উপনীত হৈছে আৰু সমস্যাৰ সৃষ্টি কৰিবলৈ বিচাৰি আছে। অৱশ্যে, চৰকাৰৰ কঠোৰ নীতিৰ বাবে আনকি ৭৪ দিন মুখামুখি হৈ থকাৰ পাছতো তেওঁলোকক জোৰকৈ অপসাৰণ কৰা হৈছিল।

ছিয়েলৰ অধ্যক্ষ মিঃ অতুল কুলকাৰ্নিয়ে কেনেদৰে উত্তৰ পূৰ্বাঞ্চল আৰু দেশৰ অন্য প্ৰান্তৰ মাজত এটা ৰাষ্ট্ৰীয় অখণ্ডতাৰ ভাৱ গঢ়া  আৰু সামৰ্থ্য বিকশিত কৰাত এটা ভূমিকা গ্ৰহণ কৰি আহিছে তাৰ এটা ব্যাখ্যা আগবঢ়ায়।

শলাগৰ শৰাই আগবঢ়ায় ‘অসমী’ৰ সাধাৰণ সম্পাদক ৰাজীৱ বৰকাকতীয়ে। তেওঁ কয় যে ‘অসমী’য়ে মহাৰাষ্ট্ৰত ‘অসমী’য়ে উত্তৰ পূব ভাৰত সম্পৰ্কে বৌদ্ধিক আলোচনা অনুষ্ঠিত কৰাৰ ক্ষেত্ৰত কাম কৰি যাব।