অসমপ্ৰেমী যুৱ ছাত্ৰ সমাজৰ টীয়ক আঞ্চলিক সমিতিৰ উদ্যোগত টীয়ক আৰক্ষী থানাৰ সমীপত বিভিন্ন দাবীৰে আজি এক উত্তাল প্ৰতিবাদ সাব্যস্ত কৰে।
মূলতঃ নাগৰিকত্ব সংশোধনী আইন ২০১৯ বাতিল, কৃষক মুক্তি সংগ্ৰাম সমিতিৰ উপদেষ্টা অখিল গগৈক অনতি পলমে মুক্তিৰ দাবীত এই প্ৰতিবাদী কাৰ্যসূচী ৰূপায়ণ কৰে।
ইয়াৰ উপৰি টীয়ক আৰক্ষীয়ে ড্ৰাগছ সৰবৰাহৰ তদন্তৰ প্ৰতিবেদন ৰাজহুৱা কৰাৰ দাবী উত্থাপন কৰে সংগঠনটোৰ সদস্যসকলে।
প্ৰতিবাদকাৰী সদস্য সকলে লগতে কয় যে যদিহে চৰকাৰে আমাৰ দাবী সমূহ অনতি পলমে মানি নলয় তেন্তে আগন্তুক দিনত অতি ভায়ৱহ তথা তীব্ৰ গণতান্ত্ৰিক আন্দোলন গঢ়ি তোলা হ’ব।
উল্লেখ্য যে নাগৰিকত্ব সংশোধনী আইনৰ বিৰুদ্ধাচৰণ কৰাৰ বাবেই যোৱা বৰ্ষৰ ডিচেম্বৰৰ পৰা কাৰাৰুদ্ধ হৈ আছে কৃষক নেতা অখিল গগৈ।
কৃষক নেতাগৰাকীৰ মুক্তিৰ দাবীত ৰাজ্যৰ বিভিন্ন দল-সংগঠনে দাবী জনাই আহিছে যদিও চৰকাৰৰ লগতে তদন্তকাৰী সংস্থাই কোনো গুৰুত্ব প্ৰদান কৰা নাই।