দিল্লীৰ বিস্ফোৰণৰ ঘটনাৰ পাছতে অসম চৰকাৰে কঠোৰ ব্যৱস্থা গ্ৰহণ কৰিছে। সামাজিক মাধ্যমত আক্ৰমণকাৰীৰ সমৰ্থনত মন্তব্য, পোষ্ট বা অন্য কোনো আপত্তিজনক কাৰ্যকলাপ কৰাৰ অভিযোগত এতিয়ালৈকে ৰাজ্যৰ বিভিন্ন জিলাৰ পৰা ২১ জন লোকক আটক কৰা হৈছে।
সূত্ৰ অনুসৰি, বিভিন্ন প্লেটফৰ্মত প্ৰচাৰিত আপত্তিজনক পোষ্টৰ ভিত্তিত দৰং, গোৱালপাৰা, নলবাৰী, চিৰাং, কামৰূপ, বঙাইগাঁও, হাইলাকান্দি, লখিমপুৰ, বৰপেটা, হোজাই, দক্ষিণ শালমাৰা, কোকৰাঝাৰ, বজালী, ধুবুৰী আদি কেইবাখনো জিলাত অসম আৰক্ষীয়ে অভিযান চলাইছে।
মুখ্যমন্ত্ৰী হিমন্ত বিশ্ব শৰ্মাই সামাজিক মাধ্যমত মন্তব্য কৰি কয় যে, “দিল্লীত সন্ত্ৰাসবাদীৰ আক্ৰমণৰ পাছত অসমত কিছুমানে ইয়াৰ সমৰ্থনত মন্তব্য কৰিছে। অসম আৰক্ষীয়ে অভিযান চলাই ২১ জনক গ্ৰেপ্তাৰ কৰিছে। অভিযান অব্যাহত থাকিব।”
আটক হোৱা ২১ জন লোকৰ তালিকা মুখ্যমন্ত্ৰীয়ে দিয়া তথ্য অনুসৰি, এতিয়ালৈ আটক হোৱা লোকসকল হৈছে—
১) মতিউৰ ৰহমান (দৰং) ২) হাছান আলী মণ্ডল (গোৱালপাৰা) ৩) জয়ন্ত মোহন দাস (নলবাৰী) ৪) আব্দুল লতিফ (চিৰাং) ৫) ৱাজহুল কামাল (কামৰূপ) ৬) নুৰ আমিন আহমেদ (বঙাইগাঁও) ৭) ৰফিজুল আলী (বঙাইগাঁও) ৮) ফৰিদ উদ্দিন লস্কৰ (হাইলাকান্দি) ৯) ইনামূল ইছলাম (লখিমপুৰ) ১০) ফিৰুজ আহমেদ ওৰফে পাপন (লখিমপুৰ) ১১) শ্বাহিল শ্বোমান শিকদাৰ ওৰফে শ্বাহিদুল ইছলাম (বৰপেটা) ১২) ৰকিবুল চুলতান (বৰপেটা) ১৩) নাছিম আক্ৰাম (হোজাই) ১৪) তাছলিম আহমেদ (কামৰূপ) ১৫) আব্দুৰ ৰহিম মোল্লাহ ওৰফে বাপ্পী হুছেইন (দক্ষিণ শালমাৰা) ১৬) কৰিনুৰ হাছান (চিৰাং) ১৭) আবু হানিফ ওৰফে নিউ কালেকশ্যন (বঙাইগাঁও) ১৮) মনোৱাৰ হুছেইন (কামৰূপ) ১৯) ইনামূল হক (কোকৰাঝাৰ) ২০) নৱী হুছেইন (বজালী) ২১) আজিজুৰ হুছেইন (ধুবুৰী)
অসম চৰকাৰে স্পষ্ট কৰিছে যে সন্ত্ৰাসবাদীৰ সমৰ্থনত মন্তব্য, পোষ্ট, ভিডিঅ’ আদি প্ৰচাৰ কৰাৰ দৰে কোনো ধৰণৰ বেআইনী কাৰ্যকলাপ সহ্য কৰা নহ’ব। অসম আৰক্ষীয়ে ইতিমধ্যে একাধিক জিলাত নজৰদাৰী আৰু অভিযান জোৰদাৰ কৰিছে।
