অসম কংগ্ৰেছৰ সভাপতি তথা লোকসভাৰ সাংসদ গৌৰৱ গগৈয়ে মুখ্যমন্ত্ৰী হিমন্ত বিশ্ব শৰ্মাই ৰাজ্যত চলি থকা চৰকাৰী আঁচনি আৰু অবৈধ ছিণ্ডিকেটৰ অধীনত বৃহৎ পৰিসৰৰ দুৰ্নীতিৰ সৈতে জড়িত ব্যক্তিক ৰক্ষা কৰাৰ অভিযোগ উত্থাপন কৰিছে।
এসময়ত দিল্লীৰ শ্বীশ মহল শৈলীৰ শাসন ব্যৱস্থাক লৈ প্রশ্ন উত্থাপন কৰা বিজেপিয়ে অসমত লুন্ঠনৰাজ চলাই অহাটোক এক বিড়ম্বনা বুলি অভিহিত কৰিছে সাংসদ গৌৰৱ গগৈয়ে।
গগৈয়ে কয়, ‘মুখ্যমন্ত্ৰীয়ে তেওঁৰ সহযোগীসকলক যিমানেই ক্লিন চিট নিদিওক কিয়, সেইবোৰৰ কোনো মূল্য নাই। ২০২৬ চনৰ নিৰ্বাচনত অসমৰ ৰাইজে ডকাইতৰ দল আৰু দুৰ্নীতিৰ সদাগৰক নিশেষ কৰিব।
গগৈয়ে ইয়াৰ লগতে গৰু বিতৰণ, গ্ৰাম্য উন্নয়নৰ সৈতে জড়িত আঁচনিসমূহত পুঁজিৰ অপব্যৱহাৰ, কয়লা, চুপাৰী, আদিৰ দৰে অত্যাৱশ্যকীয় সামগ্ৰীৰ ছিণ্ডিকেটৰ কাম-কাজ সম্পৰ্কে বৃদ্ধি পোৱা অভিযোগক লৈ বিজেপিক সমালোচনা কৰে।
