অসমত দলৰ কাম-কাজ চোৱাচিতা কৰা কংগ্ৰেছৰ সাধাৰণ সম্পাদক জিতেন্দ্ৰ সিঙে দেওবাৰে কয় যে দল বিৰোধী কাৰ্যকলাপত জড়িতৰ অভিযোগ উত্থাপন হোৱা বিধায়কসকলক অযোগ্য ঘোষণা কৰাৰ বাবে তেওঁলোকে অতি সোনকালে আইনী ব্যৱস্থা বিচাৰিব পাৰে।
এই বক্তব্য প্ৰকাশ কৰাৰ সময়ত কংগ্ৰেছৰ জ্যেষ্ঠ নেতাগৰাকীয়ে অসম বিধানসভাৰ অধ্যক্ষ বিশ্বজিৎ দৈমাৰীকো সমালোচনা কৰি এই সদস্যসকলৰ সদনৰ সদস্যপদ বাতিলৰ আহ্বান জনাই দিয়া দলৰ আবেদনক অৱহেলা কৰাৰ অভিযোগ উত্থাপন কৰে।
অধ্যক্ষৰ পৰা কোনো ব্যৱস্থা গ্ৰহণ নকৰাৰ বাবে সিঙে লগতে দুখ প্ৰকাশ কৰি বিজেপি চৰকাৰে প্ৰতিষ্ঠিত পদ্ধতি মানি চলাত ব্যৰ্থ হোৱা কথাটোকে কাৰণ বুলি অভিহিত কৰে।
লগতে পঢ়কঃ তৃতীয় পৰ্যায়ৰ নিৰ্বাচনত থিয় হোৱা অসমৰ আটাইতকৈ ধনী প্ৰাৰ্থী কোন? কোনগৰাকী প্ৰাৰ্থী আটাইতকৈ দুখীয়া?
তেওঁ লগতে কয় যে এই বিধায়কসকলৰ অযোগ্যতা নিশ্চিত কৰিবলৈ কংগ্ৰেছে শীঘ্ৰে উচ্চ ন্যায়ালয় আৰু আনকি প্ৰয়োজন হ’লে উচ্চতম ন্যায়ালয়ৰো কাষ চাপিব।
তেওঁ লগতে কয় যে এই বিধায়কসকলক দলবিৰোধী কাৰ্যকলাপৰ অভিযোগত অযোগ্য ঘোষণা সন্দৰ্ভত অধ্যক্ষৰ ওচৰত বহু আৱেদন দাখিল কৰা হৈছিল যদিও কোনো ধৰণৰ ব্যৱস্থা লোৱা নাছিল।
এই কাৰ্য্যসমূহৰ ভিতৰত চৰকাৰক সমৰ্থন আগবঢ়োৱা, নিৰ্বাচনত দলীয় মনোনীতসকলৰ বিৰোধিতা কৰা, দলীয় প্ৰাৰ্থীৰ বিৰুদ্ধে প্ৰচাৰ চলোৱা আদি অন্যতম।
লগতে পঢ়কঃ IPL 2024: অপ্ৰতিৰোধ্য নাৰাইন! লক্ষ্ণৌক পৰাজিত কৰি প্লে অফ নিশ্চিত কৰিলে কলকাতা নাইট ৰাইডাৰ্ছে
একে সুৰতে বক্তৱ্য ৰাখি এআইচিচিৰ সাধাৰণ সম্পাদক অজয় কুমাৰে অভিযোগ কৰে যে অসমৰ মুখ্যমন্ত্ৰী হিমন্ত বিশ্ব শৰ্মাই পুনৰ কংগ্ৰেছত যোগদান কৰাৰ ইচ্ছা প্ৰকাশ কৰিছে।
এই বক্তব্য প্ৰকাশ কৰি তেওঁ দল সলনি কৰা ৰাজনীতিবিদক গ্ৰহণ কৰাৰ বিৰুদ্ধে দলৰ স্থিতিৰ উল্লেখ কৰি শৰ্মাৰ “সম্ভাৱ্য উভতি অহাৰ” বিৰোধিতা কৰে।
