অসমৰ বানপিড়ীত ৰাইজৰ সহায়ৰ বাবে এইবাৰ আগবাঢ়ি আহিছে অভিনেতা অমিতাভ বচ্চন। বলিউডৰ মেগাষ্টাৰ গৰাকীয়ে মুখ্য মন্ত্ৰী সাহায্য পুঁজিলৈ ৫১ লাখ টকাৰ বৰঙণি আগবঢ়াইছে।
ৰাজ্যখনৰ জনসাধাৰণৰ দুৰ্যোগৰ সময়ত মানৱীয় অনুভূতিৰে প্ৰখ্যাত অভিনেতাজনে আগবঢ়োৱা উক্ত সাহায্যৰ বাবে মুখ্য মন্ত্ৰী সৰ্বানন্দ সোণোৱালে আজি অভিনেতা গৰাকীক অসমৰ জনসাধাৰণৰ হৈ আন্তৰিক ধন্যবাদ আৰু কৃতজ্ঞতা জনায়।
We appreciate Shri Amitabh Bachchan ji for contributing Rs. 51 lakh to Chief Minister's Relief Fund. This is a great gesture & show of care for the people.
Thank you, on behalf of the people of Assam, for your support. @SrBachchan
— Sarbananda Sonowal (@sarbanandsonwal) July 23, 2019
উল্লেখযোগ্য যে ইয়াৰ পূৰ্বে বলিউডৰ আন এগৰাকী জনপ্ৰীয় অভিনেতা অক্ষয় কুমাৰে অসমৰ বানাক্ৰান্ত ৰাইজৰ সহায়ৰ বাবে ২ কোটি টকাৰ সাহায্য আগবঢ়াইছিল। ইয়াৰে মুখ্য মন্ত্ৰীৰ সাহায্য পুঁজিলৈ ১ কোটি আৰু কাজিৰঙা ৰাষ্ট্ৰিয় উদ্যানৰ উদানৰ উদ্ধাৰৰ বাবে ১ কোটি টকা প্ৰদান কৰিছিল অভিনেতাজনে।
