ৰাজ্যত ক্ৰমান্বয়ে ভয়াবহৰ পৰা ভয়াবহ ৰূপ লৈছে কোভিড পৰিস্থিতিয়ে। সেয়েহে ৰাজ্যত সকলো শিক্ষানুষ্ঠান বন্ধ হৈ থকাৰ লগতে ১৫ দিন চৰকাৰী-বেচৰকাৰী কাৰ্য্যালয়সমূহ বন্ধ ৰাখিবলৈ নিৰ্দেশনা দিছে চৰকাৰে।
তেনে সময়তে ৰাজ্যৰ শিক্ষা বিভাগৰ প্ৰধান সচিবে আজি পুনৰ এক নিৰ্দেশনা দিছে।
পূৰ্বতে ৰাজ্যত ১ জুলাইৰ পৰা ৩১ জুলাইলৈকে গৰম বন্ধ দিয়া হৈছিল বিদ্যালয়-মহাবিদ্যালয়সমূহত। কিন্তু কোভিড পৰিস্থিতিৰ বাবে অহা ১৫ মে’ৰ পৰা ১৪ জুন পৰ্য্যন্ত বিদ্যালয়-মহাবিদ্যালয়ত গৰম বন্ধ দিয়া হৈছে।
ছাত্ৰ-ছাত্ৰীৰ সুৰক্ষা তথা নিৰাপত্তাৰ প্ৰতি লক্ষ্য ৰাখিয়েই ৰাজ্যৰ স্বাস্থ্য বিভাগে এই সিদ্ধান্ত লৈছে।
উল্লেখযোগ্য যে, ৰাজ্যত দৈনিক পাঁচ হাজাৰৰো অধিক লোক ক’ৰ’নাত আক্ৰান্ত হোৱাৰ বিপৰীতে যোৱা তিনিদিনত ২৩৩ গৰাকী লোকে মৃত্যুক আকোৱালি লৈছে।
বিদ্যালয়সমূহ খোলা ৰাখিলে ছাত্ৰ-ছাত্ৰীৰ দেহলৈয়ো এই মাৰাত্মক ভাইৰাছ প্ৰৱেশ কৰাতো নিশ্চিত। সেই কথাৰ প্ৰতি লক্ষ্য ৰাখিয়েই শিক্ষা বিভাগে লৈছে বিদ্যালয়-মহাবিদ্যালয়সমূহ বন্ধ ৰখাৰ সিদ্ধান্ত।
