অসম চৰকাৰে অত্যাৱশ্যকীয় সেৱা হিচাপে এছেনচিয়েল চাৰ্ভিচেজ মেইন্টেইনেনছ (আছাম) এক্ট (ই এছ এম এ)ৰ অধীনত ৰাজ্যখনত তেল আৰু গেছ খণ্ডৰ কৰ্মচাৰীৰ দ্বাৰা ধৰ্মঘট নিষিদ্ধ কৰিছে।
ৰাজ্য চৰকাৰে বৃহস্পতিবাৰে প্ৰকাশ কৰা এক চৰকাৰী বিবৃতিত কোৱা হৈছে যে এএছএমএৰ, ১৯৮০ৰ ধাৰা ৩ অনুসৰি তৈলখণ্ড, গেছ বা শোধনাগাৰ আদি সেৱাত জড়িত ৰাজ্যৰ সকলোৰে বাবে ধৰ্মঘট নিষিদ্ধ কৰিছে।
ৰাজ্য চৰকাৰে এখন জাননীৰ জৰিয়তে প্ৰাকৃতিক গেছকে ধৰি পেট্ৰলিয়াম সামগ্ৰী আৰু পেট্ৰলিয়ামৰ উৎপাদন, যোগান বা বিতৰণৰ সৈতে জড়িত যিকোনো প্ৰতিষ্ঠান তৈলখণ্ড, গেছ ক্ষেত্ৰ বা শোধনাগাৰৰ সেৱাত জড়িত বিষয়া, কৰ্মচাৰী, ঠিকাভিত্তিক শ্ৰমিক, টেংকাৰ চালক তথা “খালাচী’য়ে ধৰ্মঘট কৰাত বাধা আৰোপ কৰিছে।
উক্ত নিৰ্দেশ পৰৱৰ্তী জাননী জাৰি নকৰালৈ জাননী জাৰি কৰাৰ দিনৰ পৰা ৬ মাহলৈ বাহাল থাকিব বুলি বিবৃতিটোত কোৱা হৈছে।
‘’ৰাজহুৱা স্বাৰ্থতে এয়া কৰা হৈছে আৰু প্ৰাকৃতিক গেছকে ধৰি পেট্ৰলিয়াম সামগ্ৰী আৰু পেট্ৰলিয়ামৰ উৎপাদন, যোগান বা বিতৰণৰ সৈতে জড়িত যিকোনো প্ৰতিষ্ঠান তৈলখণ্ড, গেছ ক্ষেত্ৰ বা শোধনাগাৰ যিকোনো সেৱা এই নিৰ্দেশনাৰ আওতাত পৰিব,’’-বিবৃতিটোত কোৱা হয়।
