আজি ঘোষিত হাইস্কুল শিক্ষান্ত পৰীক্ষাত নগাওঁ জিলাৰ চামগুৰিত অৱস্থিত ব্যক্তিগতখণ্ডৰ শিক্ষানুষ্ঠান জৰ্জিয়ান ইংলিছ স্কুল, চামগুৰি শংকৰদেৱ শিশু নিকেতন আৰু সৰস্বতী একাডেমিৰ এশ শতাংশ পৰীক্ষাৰ্থী উত্তীৰ্ণ হয়। ইয়াৰে কেইবা গৰাকীয়ে ডিষ্টিংচন মাৰ্ক পাবলৈ সক্ষম হৈছে।
শংকৰদেৱ শিশু নিকেতনৰ মুঠ ২৬ গৰাকী পৰীক্ষাৰ্থীৰ ২০জনে প্ৰথম বিভাগত, ইয়াৰে ৬জনে ডিষ্টিংচন আৰু ৬জনে ষ্টাৰ পোৱাৰ বিপৰীতে ৬গৰাকী দ্বিতীয় বিভাগত উত্তীৰ্ণ হয়।
আনহাতে জৰ্জিয়ান ইংলিছ স্কুলৰ মুঠ ২১ গৰাকী পৰীক্ষাৰ্থীৰ ১৪ গৰাকীয়ে প্ৰথম বিভাগত (ইয়াৰে ১জনে ডিষ্টিংচন, ৪জনে ষ্টাৰ) আৰু ৭জনে দ্বিতীয় বিভাগত উত্তীৰ্ণ হয়। ইপিনে সৰস্বতী একাডেমিৰ পৰা অৱতীৰ্ণ হোৱা মুঠ ১০ গৰাকী পৰীক্ষাৰ্থীৰ ৫জনে প্ৰথম বিভাগত (ইয়াৰে ২জনে ডিষ্টিংচন, এজনে ষ্টাৰ) উত্তীৰ্ণ হোৱাৰ বিপৰীতে ৩জনে দ্বিতীয় আৰু ২জনে তৃতীয় বিভাগত উত্তীৰ্ণ হয়।
শংকৰদেৱ শিশু নিকেতনৰ পৰা লক্ষ্যজিৎ মুক্তিয়াৰ, ডলী বাগলাৰী, পাৰ্থ দাসগুপ্তা, প্ৰীতি কাশ্যপ, সংগীতা বৰা আৰু শান্তনু বড়ো, জৰ্জিয়ান ইংলিছ স্কুলৰ আফ্ৰিড এ চৌধাৰী আৰু সৰস্বতী একাডেমিৰ বৰ্লিণা শইকীয়া আৰু ভাঅ’লিনা ডেকাই আজি ঘোষিত হাইস্কুল শিক্ষান্ত পৰীক্ষাত ডিষ্টিংচন লাভ কৰি অঞ্চলটোলৈ সুনাম কঢ়িয়াই আনিছে।
