নগাঁৱৰ কৰ’না আক্ৰান্তক লৈ প্ৰদ্যুৎ বৰদলৈ, পিযুষ হাজৰিকাৰ টুইটাৰ যুঁজ
ৰাজস্থানৰ পৰা উভতি অহা নগাঁৱৰ এগৰাকী ছাত্ৰী আজি ক’ভিড-১৯ত আক্ৰান্ত বুলি চিনাক্ত হোৱাৰ পাছতে এতিয়া বিষয়টোক লৈ ৰাজনৈতিক মহলত সৃষ্টি হৈছে বিতৰ্ক।
কেনেকৈ এইগৰাকী ছাত্ৰীক ৰাজস্থানৰ পৰা অহাৰ পাছত কোৱাৰেন্টাইন নকৰি ঘৰলৈ পঠিয়াই দিয়া হৈছিল বুলি টুইটাৰত প্ৰশ্ন কৰে যুৱ কংগ্ৰেছী তথা এন এছ ইউ আইৰ প্ৰাক্তন সভাপতি মৃণাল হাজৰিকাই।
যুৱ কংগ্ৰেছীগৰাকীয়ে লিখিছিল– ৰাজস্থানৰ পৰা উভতি অহা ছাত্ৰী নগাঁৱৰ হিমাশ্ৰী বৰাক কোৱাৰেন্টাইনত নাৰাখি ঘৰলৈ কাৰ অনুমতিত পঠাই দিয়া হ’ল? আজি কোভিড-১৯ ৰোগী হিচাপে ছাত্ৰীগৰাকী চিনাক্ত হোৱাৰ পাছত নগাঁৱৰ আমোলাপট্টি অঞ্চলটোত যি ত্ৰাসৰ সৃষ্টি হৈছে তাৰ দায়িত্ব কোনে ল’ব?
ৰাজস্থানৰ পৰা উভতি অহা ছাত্ৰী নগাঁৱৰ হিমাশ্ৰী বৰাক কোৱাৰান্টাইনত নাৰাখি ঘৰলৈ পঠায় দিয়া হ’ল , কাৰ অনুমতিত ?
আজি COVID 19 ৰোগী হিচাপে ছাত্ৰী গৰাকী চিনাক্ত হোৱাৰ পাছত নগাঁও আমোলাপট্টি অঞ্চলটোত যি ত্ৰাসৰ সৃষ্টি হৈছে , তাৰ দায়িত্ব কোনে লব ।@himantabiswa@pradyutbordoloi pic.twitter.com/veUhliVHhH— Mrinal Hazarika (@mrinalhzrk) May 19, 2020
যুৱ কংগ্ৰেছীগৰাকীৰ এই পোষ্টতো ৰিটুইট কৰিছিল নগাঁৱৰ কংগ্ৰেছী সাংসদ প্ৰদ্যুৎ বৰদলৈয়ে।
তাৰ পাছতে এই টুইটটোৰ উত্তৰ দিয়ে ৰাজ্যিক স্বাস্থ্য মন্ত্ৰী পিযুষ হাজৰিকাই।
The girl from Nagaon was sent to home quarantine on a serious medical ground which I can’t disclose. As a sensible MP, you could have checked with me for facts instead of tweeting/retweeting which can cause unwarranted panic during a crisis @pradyutbordoloi @mrinalhzrk
— Pijush Hazarika (@Pijush_hazarika) May 19, 2020
ৰাজ্যিক স্বাস্থ্য মন্ত্ৰীগৰাকীয়ে টুইটত উত্তৰ দি কয়— নগাঁৱৰ ছোৱালীগৰাকীক গুৰুতৰ চিকিৎসাজনিত কাৰণত হোম কোৱাৰেন্টাইনলৈ পঠিওৱা হৈছিল যিটো মই প্ৰকাশ কৰিব নোৱাৰো।
প্ৰদ্যুৎ বৰদলৈক উদ্দেশ্যি মন্ত্ৰী পিযুষ হাজৰিকাই কয়, এজন বিচাৰবুদ্ধিসম্পন্ন সাংসদ হিচাপে টুইট বা ৰিটুইট কৰাতকৈ, যিটোৱে এক সংকটৰ সময়ত অনৰ্থক আতংকৰ সৃষ্টি কৰিব পাৰে, আপুনি কথাটো মোৰ পৰা জানি ল’ব পাৰিলেহেঁতেন।