অসমৰ এগৰাকী ২৫ বছৰীয়া যুৱতী মডেলক উত্তৰ প্ৰদেশত ধৰ্ষণ কৰা ঘটনাই সমগ্ৰ দেশজুৰি চাঞ্চল্যৰ সৃষ্টি কৰিছে। ধৰ্ষণত নাম সাঙোৰ খোৱা লোকজন এটা ক্লাবৰ প্ৰাক্তন সঞ্চালক বুলি জানিব পৰা যায়।
মডেলগৰাকীয়ে এটা অনুষ্ঠানত পৰিৱেশন কৰিবলৈ উত্তৰ প্ৰদেশৰ কানপুৰলৈ গৈছিল।
অমিত আগৰৱাল নামৰ পাষণ্ডজনে পাঁচগৰাকী লোকৰ উপস্থিতিত অসমৰ মডেলগৰাকীক ধৰ্ষণ কৰে।
প্ৰাক্তন মিছ আছাম তথা মডেলগৰাকী মান্ধনাস্থিত জাংগল ৱাটাৰ ৱৰ্ল্ডত আয়োজিত ‘ৰংগ বৰছে পুল পাৰ্টি’ৰ বাবে সক্ষম চাহু (Saksham Sahu) ৱে আমন্ত্ৰণ কৰি নিছিল।
ইফালে আৰক্ষী অধীক্ষক অনিল কুমাৰে এই ঘটনাটো যোৱা দেওবাৰে নিশা ১০ বজাত সংঘটিত হোৱা বুলি জানিবলৈ দিয়ে।
ঘটনাৰ খবৰ পোৱাৰ লগে লগে আৰক্ষীৰ দল উপস্থিত হৈছিল যদিও অভিযুক্ত কেইজন পলাই যাবলৈ সক্ষম হয় বুলি আৰক্ষীয়ে উল্লেখ কৰে।
ইফালে ঘটনা সংঘটিত হোৱা ঠাইৰ পৰা দুখন চাৰিচকীয়া গাড়ী উদ্ধাৰ কৰি আৰক্ষীয়ে জব্দ কৰি লয়।
আৰক্ষীয়ে জানিব দিয়া অনুসৰি অমিত আগৰৱালে যুৱতী মডেলগৰাকীক গাড়ীৰ পৰা বিল্ডাৰ সমীৰ আগৰৱালৰ ঘৰলৈ লৈ গৈছিল।
আৰক্ষীয়ে মূল অভিযুক্ত অমিত আগৰৱাল আৰু তেওঁৰ পাঁচগৰাকী সহযোগীৰ বিৰুদ্ধে ভাৰতীয় দণ্ডবিধিৰ ধাৰাৰ ৩৫৪ আৰু ১২০ বিৰ অধীনত গোচৰ ৰুজু কৰিছে বুলি জানিবলৈ দিয়ে।
