মণিপুৰত আজি আসাম ৰাইফলছৰ কনভয়ত সন্ত্ৰাসবাদীৰ ভয়ংকৰ এম্বুশ্বত নিহত কামাণ্ডিং অফিচাৰ জনৰ পৰিয়ালসহ জোৱান কেইজনক চিনাক্ত কৰা হৈছে।
৪৬ AR ৰ কামাণ্ডিং অফিচাৰ কৰ্ণেল বিপ্লৱ ত্ৰিপাঠী, তেওঁৰ পত্নী শ্ৰীমতী অনুজা ত্ৰিপাঠী আৰু ছয় বছৰীয়া পুত্ৰ সন্তান অবীৰ ত্ৰিপাঠীৰ এই ভয়ংকৰ এম্বুশ্বত মৃত্যু হৈছে। আনহাতে নিহত আন চাৰিজন আসাম ৰাইফলছৰ জোৱান হৈছে সুমন স্বৰ্গীয়াৰী, খাটনেই কন্যাক, আৰ পি মিনা আৰু শ্যামল দাস।
এই আক্ৰমণক তীব্ৰ গৰিহণা দি প্ৰধানমন্ত্ৰী শ্ৰী নৰেন্দ্ৰ মোদীয়ে টুইট কৰে। টুইটটোত তেও কয়, “আজি শ্বহীদ হোৱা সৈনিক আৰু পৰিয়ালৰ সদস্যসকলক মই শ্ৰদ্ধাঞ্জলি জনাইছো। তেওঁলোকৰ ত্যাগ কেতিয়াও পাহৰিব নোৱাৰিম। এই দুখৰ সময়ত শোকসন্তপ্ত পৰিয়ালবোৰৰ প্ৰতি মোৰ সমবেদনা।”
Strongly condemn the attack on the Assam Rifles convoy in Manipur. I pay homage to those soldiers and family members who have been martyred today. Their sacrifice will never be forgotten. My thoughts are with the bereaved families in this hour of sadness.
— Narendra Modi (@narendramodi) November 13, 2021
ছত্তীশগড়ৰ মুখ্যমন্ত্ৰী ভূপেশ বাঘেলে আক্ৰমণত ছত্তীশগড়ৰ এজন ব্যক্তি নিহত হৈছে বুলি সদৰী কৰিছে। “তেওঁৰ ত্যাগ বৃথা নহ’ব। মই পৰিয়ালটোলৈ সমবেদনা জ্ঞাপন কৰিছো,” সংবাদ সংস্থা ANI ৰ আগত বাঘেলে কয়।
ইয়াৰ পূৰ্বে মণিপুৰৰ মুখ্যমন্ত্ৰী এন বীৰেন সিঙে সেনা কৰ্ণেল আৰু তেওঁৰ পৰিয়ালৰ মৃত্যু নিশ্চিত কৰিছিল আৰু এক প্ৰতিৰোধ অভিযান আৰম্ভ কৰা হৈছে বুলি জানিবলৈ দিছিল।
Strongly condemn the cowardly attack on a convoy of 46 AR which has reportedly killed few personnel including the CO & his family at CCpur today. The State forces & Para military are already on their job to track down the militants. The perpetrators will be brought to justice.
— N.Biren Singh (@NBirenSingh) November 13, 2021
প্ৰতিৰক্ষা মন্ত্ৰী ৰাজনাথ সিঙে টুইটাৰ যোগে এই মৰ্মান্তিক ঘটনাৰ সমবেদনা জ্ঞাপন কৰিছে। টুইটত তেওঁ কয়, “মণিপুৰৰ চুৰাচান্দপুৰত অসম ৰাইফলছৰ কনভয়ত হোৱা কাপুৰুষোচিত আক্ৰমণ অত্যন্ত বেদনাদায়ক আৰু নিন্দনীয়। দেশখনে চিঅ’ ৪৬ এআৰ আৰু পৰিয়ালৰ দুজন সদস্যকে ধৰি ৫ জন সাহসী সৈনিক হেৰুৱাইছে। শোকসন্তপ্ত পৰিয়াললৈ মোৰ সমবেদনা। অপৰাধীসকলক সোনকালেই ন্যায়ৰ সন্মুখীন কৰা হ’ব।”
The cowardly attack on an Assam Rifles convoy in Churachandpur, Manipur is extremely painful & condemnable. The nation has lost 5 brave soldiers including CO 46 AR and two family members.
My condolences to the bereaved families. The perpetrators will be brought to justice soon.
— Rajnath Singh (@rajnathsingh) November 13, 2021
এই আক্ৰমণ PLA ৰ দ্বাৰা সংঘটিত হৈছে বুলি অনুমান কৰা হৈছে। আনহাতে আসাম ৰাইফলছে এই আক্ৰমণৰ আঁৰত উগ্ৰপন্থী গোট PREPAK জড়িত থাকিব পাৰে বুলি সন্দেহ কৰিছে। আসাম ৰাইফলছে সন্দেহ কৰা অনুসৰি ১২ আৰু ১৩ নৱেম্বৰৰ PREPAK ৰ স্মৃতি দিৱসৰ অংশ হিচাপে এনে আক্ৰমণ সংঘটিত কৰে।
