অসম ৰাজ্যিক শিক্ষা পৰিষদে অনুষ্ঠিত কৰা উচ্চতৰ মাধ্যমিক চূড়ান্ত পৰীক্ষা-২০২৬ৰ ফলাফল ঘোষণা কৰা হৈছে। এই পৰীক্ষাত উত্তীৰ্ণৰ সামগ্ৰিক হাৰ ৯১.৫৪ শতাংশ। কলা শাখাত ৭৯.৫৪ শতাংশ, বাণিজ্য শাখাত ৮১.১৩ শতাংশ আৰু বিজ্ঞান শাখাত ৮৯.৭৯ শতাংশ ছাত্ৰ-ছাত্ৰী উত্তীৰ্ণ হৈছে।
এইবাৰ উচ্চতৰ মাধ্যমিক চূড়ান্ত পৰীক্ষাত অৱতীৰ্ণ হৈছিল সৰ্বমুঠ ৩ লাখ ৩০ হাজাৰ ৭৪৪ গৰাকী পৰীক্ষাৰ্থী। কলা শাখাত ২ লাখ ৪৭ হাজাৰ ৮৬৫ গৰাকী পৰীক্ষাৰ্থী অৱতীৰ্ণ হৈছিল। বাণিজ্য শাখাত মুঠ ১৯ হাজাৰ ৮০৬ গৰাকী পৰীক্ষাৰ্থীৰ লগতে বিজ্ঞান শাখাত অৱতীৰ্ণ হৈছিল ৬১ হাজাৰ ৫৬৮ গৰাকী পৰীক্ষাৰ্থী। তদুপৰি বৃত্তিমূলক শাখাত ১৫০৫ গৰাকী শিক্ষাৰ্থীয়ে দিছিল পৰীক্ষা।
কলা শাখাত প্ৰথম বিভাগত উত্তীৰ্ণ ৫৫,৭৫৫গৰাকী, দ্বিতীয় বিভাগত উত্তীৰ্ণ ৭৯,১৮১ গৰাকী আৰু তৃতীয় বিভাগত ৫৭,৮৬২ গৰাকী উত্তীৰ্ণ হৈছে। মুঠ উত্তীৰ্ণ ১,৯১,৭৯৮ গৰাকী।
বিজ্ঞান শাখাত প্ৰথম বিভাগত উত্তীৰ্ণ ৩৪,০৭৯ গৰাকী, দ্বিতীয় বিভাগত উত্তীৰ্ণ ১৭,৭৭৭ গৰাকী আৰু তৃতীয় বিভাগত ২৬১৮ গৰাকী উত্তীৰ্ণ হৈছে। মুঠ উত্তীৰ্ণ ৫৪,৪৭৪ গৰাকী।
বাণিজ্য শাখাত প্ৰথম বিভাগত উত্তীৰ্ণ ৭,৭৮৭গৰাকী, দ্বিতীয় বিভাগত উত্তীৰ্ণ ৫,৬৯৪ গৰাকী আৰু তৃতীয় বিভাগত ৩২১৫ গৰাকী উত্তীৰ্ণ হৈছে। মুঠ উত্তীৰ্ণ ১৫,৭৯৬ গৰাকী।
যোৱা বছৰ অসম ব’ৰ্ডৰ এইচ এছ দ্বাদশ শ্ৰেণীৰ পৰীক্ষাসমূহ ১৩ ফেব্ৰুৱাৰীৰ পৰা ১৭ মাৰ্চলৈ অনুষ্ঠিত হৈছিল, আৰু ২০২৫ চনৰ ৩০ এপ্ৰিলত ফলাফল ঘোষণা কৰা হৈছিল। কলা শাখাত ৮১.০৩ শতাংশ, বিজ্ঞানত ৮৪.৮৮ শতাংশ, আৰু বাণিজ্য শাখাত ৮২.১৮ শতাংশ ছাত্ৰ-ছাত্ৰী উত্তীৰ্ণ হৈছিল।
তলৰ ৱেবছাইটসমূহত ফলাফল চাব পাৰিব
