এ পি ডি চি এলৰ অন্যতম সঞ্চালক হিচাপে নিযুক্তি দিয়া হৈছে এসময়ৰ ঐতিহাসিক অসম আন্দোলনৰ সংগ্ৰামী নেতা, বিশিষ্ট সমাজকৰ্মী তথা তিনিচুকীয়া জিলাৰ চাংমাই গাঁও নিৱাসী তৰুণ বৰুৱা মৰাণক ।
তৰুণ বৰুৱা মৰাণক এ পি ডি চি এলৰ দৰে এটা গুৰুত্বপূৰ্ণ বিভাগৰ সঞ্চালক পদত নিযুক্তি দিয়া বাবে তিনিচুকীয়া জিলাবাসীয়ে ৰাজ্য চৰকাৰক অশেষ ধন্যবাদ জ্ঞাপন কৰে।
উল্লেখ্য যে কোনো ধৰণৰ ৰাজনৈতিক দলৰে প্ৰত্যক্ষ সম্পৰ্ক নৰখা তৰুণ বৰুৱা মৰাণ বৰ্তমান মৰাণ সাহিত্য সভাৰ সভাপতি হিচাপে কাৰ্যনিৰ্বাহ কৰি আছে।
একালত ৰিফাইনেৰী, খাদ্য, মাধ্যম আন্দোলন, অসম আন্দোলনৰ সময়ত অবিভক্ত ডিব্ৰুগড় জিলাৰ মুখ্য সাংগঠনিক সম্পাদক (যুৱ-ছাত্ৰ পৰিষদ) হিচাপে নেতৃত্ব লোৱা, ২০০৩ চনত অসম মৰাণ সভাৰ সভাপতি, দুটা দশক কৰি সদৌ মৰাণ ছাত্ৰ সন্থাৰ উপদেষ্টা, অসম গণ পৰিষদৰ প্ৰতিষ্ঠাপক সহকাৰী সম্পাদক, অ’ বি চি ডেভেলপমেণ্ট ব’র্ডৰ চেয়াৰমেন, জনগোষ্ঠীয় সাংস্কৃতিক সমাৰোহ-১৯৯৭ৰ সভাপতি আদিৰ দৰে বহু গুৰুত্বপূৰ্ণ পদবীত নিষ্ঠাসহকাৰে কাৰ্যনিৰ্বাহ কৰিছিল।
ৰাজ্যৰ এটা গুৰুত্বপূৰ্ণ বিভাগৰ এজন অন্যতম সঞ্চালক হিচাপে নিযুক্তি লাভ কৰাত সদৌ মৰাণ ছাত্ৰ সন্থা, অসম মৰাণ সভা প্ৰমুখ্যে বহুতো দল-সংগঠনে তৰুণ বৰুৱা মৰাণক শুভেচ্ছা জ্ঞাপন কৰিছে।
