Assam youth missing: নগাঁও জিলাৰ চামগুৰি সমষ্টিৰ লাওখোৱাৰ এজন যুৱক কৰ্মৰ সন্ধানত বহিঃ ৰাজ্যলৈ গৈ নিৰুদ্দেশ হোৱাৰ ঘটনাই এক চাঞ্চল্যৰ সৃষ্টি কৰিছে।
লোক জনৰ বয়স প্ৰায় ২৩ বছৰ।
বন্ধুবৰ্গৰ লগত বহিঃ ৰাজ্যলৈ কৰ্মৰ সন্ধানত কেৰেলালৈ গৈ তিনি দিন ধৰি সন্ধানহীন হৈ আছে লাওখোৱাৰ যুৱক ৰাজকুমাৰ দাস।
নিৰুদ্দেশ হোৱাৰ পাছৰে পৰা এতিয়া লৈকে কোনো ধৰণৰ খবৰ নাপাই পৰিয়ালৰ লোকে কাষ চাপিছে কলিয়াবৰ মহকুমাৰ অন্তৰ্গত আমবাগান আৰক্ষী চকীৰ।
জানিব পৰা মতে অন্ধপ্ৰদেশৰ বিজয়ৱাড়া ৰেল ষ্টেচনত কিবা কামৰ বাবে নমাৰ পাছৰ পৰাই সন্ধানহীন হৈ আছে যুৱক জন।
পৰিয়ালৰ লোকে বৰ্তমান আমবাগান আৰক্ষী চকীত এজাহাৰ দাখিল কৰিছে।
কোনোবাই যদি ৰাজকুমাৰ দাস নামৰ যুৱক জনক দেখা পায় বা সন্ধান লাভ কৰে তেন্তে 6002148502 এই নম্বৰত যোগাযোগ কৰিবলৈ বিনম্ৰ অনুৰোধ জনাইছে ৰাজকুমাৰৰ পত্নীয়ে ।