অসমৰ ৪৫সংখ্যক কাছাৰৰ কোভিড-১৯ ৰোগীজনৰ সৱিশেষ পোহৰলৈ আহিছে।
বাতৰি অনুসৰি, শিলচৰত পৰীক্ষাত পজিটিভ ওলেৱা ৰোগীজন দৰাচলতে তেজপুৰৰহে।
ৰাজস্থানৰ প্ৰসিদ্ধ আজমীৰ দৰগাহত আৱদ্ধ হৈ থকা তীৰ্থযাত্ৰীৰে ভৰা এখন বাছ বুধবাৰে ৰাতিপুৱা শিলচৰত উপস্থিত হৈছিল।
তীৰ্থযাত্ৰীসকলৰ মাজত শোণিতপুৰ জিলাৰ কোচগাঁওৰ উক্ত ৰোগীজনো আছিল।
ব্যক্তিজনে গুৱাহাটীত বাছৰ পৰা নামি যাবলৈ অস্বীকাৰ কৰাত বাকীসকলৰ সৈতে গৈ শিলচৰ পাইছিলগৈ।
জানিব পৰা মতে, ব্যক্তিজন তেওঁৰ পৰিয়ালৰ সদস্যকে ধৰি বহু সংখ্যক লোকৰ সম্পৰ্কত আহিছিল।
তেওঁ শিলচৰ মেডিকেল কলেজ হাস্পাতলত চিকিৎসাধীন হৈ আছে।
ব্যক্তিগৰাকীয়ে বাছত আহি থাকোতে জ্বৰ আৰু কাহত ভূগিছিল। সংশ্লিষ্ট কৰ্তৃপক্ষৰ দ্বাৰা কৰা পৰীক্ষাত তেওঁৰ পজিটিভ ধৰা পৰে।
বাছত অহা বাকী যাত্ৰীসকলক হোম কোৱাৰেন্টাইন কৰা হয়।
অসমত এই ৰোগীজনৰ সৈতে বৰ্তমান কোভিড-১৯ আক্ৰান্ত ৰোগীৰ সংখ্যা ৪৫জনলৈ বৃদ্ধি পাইছে।
ৰাজ্যখনত বৰ্তমান সক্ৰিয় ৰোগীৰ সংখ্যা হৈছে ১০জন। এজন ৰোগীৰ মৃত্যু হৈছে আৰু বাকী ৩৪জন ৰোগীক সুস্থ হোৱাত ঘৰলৈ যাৱলৈ দিয়া হৈছে।
