আৰ এছ এছক ‘ভাৰতীয় তালিবান’ আখ্যা দিছে কৰ্ণাটকৰ কংগ্ৰেছ নেতা বি কে হৰিপ্ৰসাদে। ইফালে এই মন্তব্যৰ প্ৰত্যুত্তৰ দিছে বিজেপিয়ে। বিজেপিয়ে কংগ্ৰেছৰ স্বভাৱ এয়াই বুলি দাবী কৰিছে।
উল্লেখ্য যে স্বাধীনতা দিৱসত লালকিল্লাত দেশবাসীক সম্বোধন কৰাৰ সময়ত প্ৰধানমন্ত্ৰীয়ে আৰ এছ এছৰ ১০০ বছৰীয়া জয়ন্তী উপলক্ষে সংঘক প্ৰশংসা কৰে। কংগ্ৰেছৰ জ্যেষ্ঠ নেতা বি কে হৰিপ্ৰসাদে ইয়াক তীব্ৰ সমালোচনা কৰিছে। ইয়াৰ সমান্তৰালকৈ কৰ্ণাটকৰ বিধায়কসকলেও আজি আৰ এছ এছক সমালোচনা কৰিছে।
শেহতীয়াকৈ হৰিপ্ৰসাদে সংবাদ মাধ্যমৰ আগত কয়, “আৰ এছ এছে দেশৰ শান্তি ধ্বংস কৰিবলৈ চেষ্টা কৰিছে। আৰ এছ এছক কেৱল তালিবানৰ লগত তুলনাই হয়, আৰ এছ এছ হৈছে ‘ভাৰতীয় তালিবান’। আৰু প্ৰধানমন্ত্ৰীয়ে লালকিল্লাৰ পৰাই তেওঁলোকক প্ৰশংসা কৰিছে!”
স্বাধীনতা সংগ্ৰামত সংঘৰ ভূমিকাক লৈও প্ৰশ্ন উত্থাপন কৰে হৰিপ্ৰসাদে। RSS কোনো পঞ্জীয়নভুক্ত সংস্থা নহয়। ইয়াৰ পিছতো তেওঁলোকে ইমান টকা কেনেকৈ পায়! বিজেপি আৰু আৰএছএছক দেশৰ ইতিহাস পাহৰিবলৈ বিজেপি আৰু আৰএছএছক ‘মাষ্টাৰ’ আখ্যা দি তেওঁ কয়, “তেওঁলোকে ভাৰতৰ ইতিহাস পুনৰ লিখাৰ চেষ্টা চলাইছে। স্বাধীনতাৰ সময়ত বংগৰ প্ৰধানমন্ত্ৰী ফজলুল হক আৰু সংঘৰ মতাদৰ্শৰ সৃষ্টিকৰ্তা শ্যামা প্ৰসাদ মুখাৰ্জীয়ে প্ৰথমে বংগত বিভাজনৰ দাবী উত্থাপন কৰিছিল। একে সময়তে জিন্না আৰু সাৱৰকাৰেও ভাৰতৰ সপক্ষে ৰায়দান কৰিছিল। কিন্তু তেওঁলোকে ইয়াৰ বাবে কোনো কাৰণ নোহোৱাকৈ কংগ্ৰেছক দোষাৰোপ কৰে।”
বিজেপিৰ মুখপাত্ৰ শ্বেহজাদ পুনাৱালাই বি কে হৰিপ্ৰসাদৰ মন্তব্যক তীব্ৰ সমালোচনা কৰি কয় যে, “কংগ্ৰেছে ভাৰতীয় সেনাক গুণ্ডা বুলি কয়, আৰু অপাৰেচন সিন্দুৰৰ সময়ত আত্মসমৰ্পণ কৰে। আৰ এছ এছক তালিবানৰ সৈতে তুলনা কৰে, আৰু পাকিস্তানক নিজৰ বন্ধু বুলি গণ্য কৰে।” তেওঁ আৰু কয়, “কংগ্ৰেছৰ একমাত্ৰ কাম হৈছে ভাৰতীয় সেনা, সাংবিধানিক প্ৰতিষ্ঠান, সামাজিক সংগঠন আৰু সনাতন ধৰ্মক অপমান কৰা। জাতীয়তাবাদী সংগঠনক অপমান কৰাৰ বাবে আদালতে কংগ্ৰেছক কেইবাবাৰো ধমক দিছে।”
