অত্যাধিক ঠাণ্ডাৰ বাবে বিগত পষেকটোত আফগানিস্তানত কমেও ১২০ জন লোকৰ মৃত্যু হৈছে। শাসকীয় তালিবান চৰকাৰৰ বিষয়াসকলে সংবাদ মাধ্যমক এই তথ্য প্ৰদান কৰিছে ।
দুৰ্যোগ ব্যৱস্থাপনা মন্ত্ৰালয়ৰ এগৰাকী মুখপাত্ৰই জনোৱা মতে, প্ৰচণ্ড শীতৰ বাবে এটা দশকৰ ভিতৰত দেশখনত প্ৰায় ৫ হাজাৰ গৰুৰ মৃত্যু হৈছে।
দুৰ্যোগ ব্যৱস্থাপনা মন্ত্ৰী মোল্লাহ মহম্মদ আব্বাছ আখণ্ডে বিবিচিক জনোৱা মতে, আফগানিস্তানৰ বহু অঞ্চল এতিয়াও সম্পূৰ্ণৰূপে বৰফেৰে আবৃত হৈ আছে।
এই বৰফাবৃত্ত অঞ্চল সমূহত আৱদ্ধ হৈ থকা লোকসকলক উদ্ধাৰৰ বাবে সামৰিক হেলিকপ্টাৰ প্ৰেৰণ কৰা হৈছে। কিন্তু বেছিভাগ অঞ্চলেই পাহাৰীয়া হোৱাৰ বাবে সেই অঞ্চল সমূহত হেলিকপ্টাৰ অৱতৰণ কৰাটো সম্ভৱ হৈ উঠা নাই।
দুৰ্যোগ ব্যৱস্থাপনা মন্ত্ৰী মোল্লাহ মহম্মদ আব্বাচ্ছে লগতে কয় যে বতৰৰ বিজ্ঞানীৰ অনুমান অনুসৰি পৰৱৰ্তী ৫ দিনত উষ্ণতা সামান্য বৃদ্ধি পাব পাৰে।