পুনৰ এক গেছ লিকৰ ঘটনাই আতংকিত কৰি তুলিছে হায়দৰাবাদৰ বাসিন্দাসকলক। হায়দৰবাদৰ কস্তুৰবা চৰকাৰী মহাবিদ্যালয়ৰ এটা পৰীক্ষাগাৰত ৰাসায়নিক গেছ লিক হোৱাৰ ফলত কমেও ২৫ জন শিক্ষাৰ্থী অসুস্থ হৈ পৰে। অসুস্থ হৈ পৰা শিক্ষাৰ্থীসকল ক লগে লগে চিকিৎসা প্ৰদানৰ ব্যৱস্থা কৰা হয়।
অসুস্থ হৈ পৰা কেইবাগৰাকীও শিক্ষাৰ্থীসকলক এখন স্থানীয় চিকিৎসালয়ত ভৰ্তি কৰোৱা হৈছে। মহাবিদ্যালয়খনৰ পৰীক্ষাগাৰত কি গেছ লিক হৈছে সেয়া জানিবলৈ ফৰেনচিকৰ দল ঘটনাস্থলীত উপস্থিত হৈছে। ৰাসায়নিক গেছ লিক হোৱাৰ পিছত গেছৰ সংস্পৰ্শলৈ অহা সকলো শিক্ষাৰ্থীসকল এতিয়া বিপদমুক্ত বুলি চিকিৎসকে প্ৰকাশ কৰিছে।
উল্লেখ্য চলিতবৰ্ষৰ জানুৱাৰী মাহত গুজৰাটৰ চুৰাটত এটা ৰাসায়নিক কাৰখানাত গেছ লিক হোৱাৰ ফলত কমেও ছয়জন লোকৰ মৃত্যু হোৱাৰ লগতে ২০ জন লোক অসুস্থ হৈ পৰিছিল।
শচীন ঔদ্যোগিক এলেকাৰ বাহিৰত ৰখাই থোৱা এখন টেংকাৰৰ পৰা গেছ লিক হোৱাৰ ফলত কাৰখানাৰ শ্ৰমিকসকলে শ্বাস-প্ৰশ্বাসত কষ্ট অনুভৱ কৰে।
টেংকাৰখনৰ পৰা গেছ লিক হোৱাৰ সময়ত শচীন গুজৰাট ঔদ্যোগিক উন্নয়ন নিগমৰ শ্ৰমিকসকলে শুই আছিল। উক্ত ঘটনাত ছজন শ্ৰমিকৰ থিতাতে মৃত্যু ঘটিছিল।
