মাৰুতি চুজুকি ইণ্ডিয়া লিমিটেডে এপ্ৰিল মাহত এল্টো-৮০০ৰ এক নতুন সংস্কৰণ ভাৰতীয় গাড়ী বজাৰত মুকলি কৰিছিল।
মাৰুতি চুজুকিৰ মাৰুতি এল্টো-৮০০ ৰ নতুন সংস্কৰণৰ বাহনখনে উন্নত আভ্যন্তৰীণ অলংকৰণ আৰু বি এছ ৬-কম্প্লিয়েণ্ট পেট্ৰ’ল ইঞ্জিণৰ সৈতে বজাৰত ভুমুকি মাৰিছিল।
উন্নত প্ৰযুক্তিৰ বাহনখনৰ ভবিষ্যতে বহু দিনলৈ বজাৰ দখল কৰাৰ সম্ভাৱনা থকাৰ লগতে ই পৰিবেশ অনুকুল তথা অন্য গাড়ীৰ তুলনাত কম পৰিমাণে পৰিবেশ প্ৰদূষণ কৰে।
আনহাতে, বি এছ ৬ কম্প্লিমেণ্ট ইঞ্জিণযুক্ত মাৰুতি এল্টো-৮০০ বাহনখন গ্ৰাহকসকলে নিম্নতম ২.৩৩ লাখ টকাৰ পৰা ক্ৰয় কৰিব পৰিব।
এল্টো-৮০০ এল এক্সৰ বৰ্তমান মূল্য হৈছে ২,৯৩,৭০০ টকা। প্ৰতিষ্ঠানটোৱে গাড়ীৰ বিক্ৰীৰ ক্ষেত্ৰত বৰ্তমান ৬০,০০০ টকা ৰেহাই মূল্যৰ সুবিধা আগবঢ়াইছে।
গাড়ীৰ বিক্ৰী কম হোৱাৰ প্ৰতি লক্ষ্য ৰাখিয়ে প্ৰতিষ্ঠাটোৱে এনেদৰে গ্ৰাহকসকললৈ ৰেহাই মূল্যৰ সুবিধা আগবঢ়াইছে যাতে গাড়ী বিক্ৰীৰ হাৰ পুনৰ বৃদ্ধি কৰিব পৰা যায়।
মাৰুতি এল্টো-৮০০ এল এক্সত বৰ্তমান ৪০,০০০ টকা ৰেহাই দি থকা হৈছে। তাৰোপৰি, গ্ৰাহকসলে যদিহে নিজৰ পুৰণা বাহনখন মাৰুতি চুজুকিৰ সৈতে সলনি কৰি নতুন বাহন ক্ৰয় কৰে তেনেহ’লে অতিৰিক্ত ২০,০০০ টকা বোনাছ লাভ কৰিব।
ৰেহাই আৰু অতিৰিক্ত বোনাছক সামৰি গ্ৰাহকসকলৰ বাবে মাৰুতি এল্টো-৮০০ এল এক্সৰ মুঠ ক্ৰয় মূল্য হ’ব ২,৩৩,০০০ টকা।
পঞ্জীয়ন, ইঞ্চুৰেঞ্চ সকলো সামৰি এল্টো-৮০০ ৰ দাম হ’ব প্ৰায় ২,৫৭ ,৭০০ টকা।
নতুন মাৰুতি এল্টো-৮০০ গাড়ীখনৰ সৰ্বোচ্চ ক্ষমতা ৪৮ এইছ পি আৰু পিক টৰ্ক ৬৯ নিউটন মিটাৰ। গাড়ীখনে প্ৰতিলিটাৰ পেট্ৰ’লত ২২.০৫ কিলোমিটাৰ মাইলেজ প্ৰদান কৰিব।
উল্লেখযোগ্য যে, এল্টো-৮০০ৰ নতুন সংস্কৰণৰ বাহনখনত ৮৫ শতাংশ নৱীকৰণযোগ্য সামগ্ৰী ব্যৱহাৰ কৰা হৈছে যিয়ে বাহনখনৰ জীৱন কাল শেষ হোৱাৰ পাছতো গ্ৰাহকসকলক ইয়াৰ কিছু অংশ মূল্য লাভ কৰাত সহায় কৰিব।
